Սիրիական զորքերը հետ են մղել «Իսլամական պետություն» ահաբեկչական խմբավորման գրոհայինների հարձակումները Դեր Զոր նահանգում:
Ինչպես հաղորդում է РИА Новости-ն՝ վկայակոչելով սիրիական պետական լրատվական գործակալությունը, գրոհայինները փորձել են գրոհել Ղամշա և Գարբիա գյուղերը: Բախումների ժամանակ սիրիացի զինվորականները 20-ից ավելի ահաբեկչի են ոչնչացրել, ինչպես նաև նրանց զենքը:
Նախօրեին հաղորդվում էր, որ սիրիական բանակը հետ է մղել «Ջեբհաթ ան-Նուսրա» խմբավորման գրոհը Լաթաքիա նահանգի հյուսիսում՝ ոչնչացնելով 30 ահաբեկչի:
Միևնույն ժամանակ նշվում է, որ Իդլիբ նահանգի հարավում կառավարական զորքերը շարունակում են պաշտպանել Աբու-Դուհուր ավիաբազան, որն ահաբեկիչներից ազատագրվել է օրեր առաջ: