Տաջիկստանում դիտարկում են ամուսնական դավաճանության համար երկրում քրեական պատասխանատվություն սահամանելու հարցը:
Ինչպես հաղորդում է «Սպուտնիկ» գործակալությունը, այս մասին հայտնել է հանրապետության գլխավոր դատախազ Յուսուֆ Ռահմոնը՝ պատասխանելով լրագրողի հարցին:
Լրագրողներից մեկն ընդգծել է, որ հանրապետությունում վերջին ժամանակաշրջանում առավել հաճախ են սպանություններ տեղի ունենում խանդի հողի վրա, ինչով պայմանավորված անհրաժեշտ է քրեական պատիժ սահմանել դավաճանության համար:
Հիշեցնենք, որ հոկտեմբերի սկզբին Տաջիկստանի իրավապահ մարմինների աշխատակիցները ձերբակալել են Չորբոգ գյուղի 56-ամյա բնակչին՝ սպանության կասկածանքով: Տղամարդը, գալով նախկին կնոջ աշխատավայր, խանդից ելնելով դանակի 19 հարված է հասցրել նրան: