Nathan’s Famous արագ սննդի ավելի քան 100-ամյա պատմություն ունեցող լեգենդար ապրանքանիշն արդեն Հայաստանում է, ավելի կոնկրետ` Երևան Մոլ առևտրի կենտրոնի ֆուդքորթում: Ռեստորանում կարող եք փորձել լեգենդար հոթ-դոգերը և բուրգերները՝ պատրաստված 100% տավարի մսից, ֆիրմային թոփինգներով և սոուսներով: Ֆերմերային կարտոֆիլ՝ խոշոր շերտերով կտրատած, խրթխրթան կեղևով և փխրուն միջուկով, նուրբ և քաղցրահամ կարկանդակներ՝ խնձորի կամ բալի համերով, անուշաբույր սուրճ և բազմազան զովացուցիչ ըմպելիքներ:
Ռեստորանի տնօրեն Վարդան Սարուխանյանը լրագրողների հետ զրույցում ասաց, որ Հայաստանում այս բրենդով սա առաջին ռեստորանն է: «Արագ սննդի առումով Հայաստանի շուկան շատ արագ զարգանում է և մի քանի տարվա մեջ պահանջարկը մեծ տեմպերով աճել է։ Եվ որոշեցինք, ոչ միայն բուրգերներ ներկայացնել, այլ այն, ինչ մեր շուկայում դեռ չկա: Սկզբնական փուլում կարող ենք ասել, որ շատ արդարացված է այդ քայլը։ Տեսնելով մեր աշխատանքը` հասկանում ենք, որ սրա պահանջարկը կար: Մարդիկ կան, որ տեղեկացված են բրենդի մասին և այցելում են, իսկ մարդիկ կան, որոնց համար դեռ սա նորություն է»,-ասաց նա և նշեց, որ գնային այնպիսի առաջարկ են ներկայացնում, որ Nathan’s Famous-ից բոլոր խավի մարդիկ կարող են օգտվել. «Մենյուն շատ լայն է, և դա դեռ սկիզբն է, և դեռ ավելի կընդլայնվի»,-ասաց նա:
Վարդան Սարուխանյանն ասաց, որ նախատեսում են հետագայում ընդլայնել ռեստորանային ցանցը առևտրի կենտրոններում, իսկ այնուհետև մեծ առանձին ռեստորան բացել` քաղաքի կենտրոնում:
Նշենք, որ հեռավոր 1916 թվականին, Լեհաստանից ԱՄՆ գաղթած Նաթան Հենդվերքերը՝ Քոնի Այլենդում բացել է իր Nathan’s Famous արագ սննդի կետը, որտեղ հյութալի տավարի մսից հոթ-դոգեր էին պատրաստվում իր կնոջ` Իդայի հորինած բաղադրատոմսով: Այդ ժամանակից ի վեր սիրված ճաշացանկը, բարձր որակն ու արագ սպասարկումը Nathan’s Famous-ը դարձրել են շուկայի առաջատար: Այժմ աշխարհի 14 երկրներում աշխատում է ավելի քան 50.000 Nathan`s սննդի կետեր: ԱՄՆ-ի սուպերմարկետներում տարեկան վաճառվում է ավելի քան 500 միլիոն Nathan`s-ի հոթ-դոգ: ԱՄՆ-ում Nathan`s հոթ-դոգերը կարելի է գտնել ամենուր՝ փողոցների վաճառակետերում, օդանավակայաններում, բենզալցակայաններում, կինոթատրոններում, մթերային խանութներում: Լեգենդար Նյու Յորք Յանքիզ բեյսբոլի մարզադաշտում ընդամենը մեկ խաղի ընթացքում վաճառվում է ավելի քան 40.000 հոթ-դոգ:
Հայտնի հոթ-դոգերը և ֆիրմային կարտոֆիլը իրական լեգենդ են Ամերիկայում: Տարբեր ժամանակներում ապրանքանիշի երկրպագու են եղել այնպիսի անվանի մարդիկ, ինչպիսիք են Ալ Կապոնեն, Բարբարա Սթրեյզենդը, և անգամ Սպիտակ Տան շատ բնակիչներ:
Նախագահ Ֆրանկլին Ռուզվելտը 1939 թ-ին Nathan`s հոթ-դոգեր է հյուրասիրել Անգլիայի թագուհուն և թագավորին, իսկ 1945 թ-ին Nathan`s հոթ-դոգերը հատուկ առաքվել են Յալթա, որտեղ Ռուզվելտը հանդիպել է Ստալինի և Չերչիլի հետ:
Nathan’s ցանցը աշխատում է միայն լավագույն մատակարարների հետ, որոնց տարիների ընթացքում ընտրել են խիստ և մանրակրկիտ որոնումների արդյունքում: