Սիրիայի փոխարտգործնախարար Ֆայսալ Մեքդադը հայտարարել է, որ երկրի զինված ուժերը կխոցեն յուրաքանչյուր թուրքական կործանիչ, որը հարձակում կգործի Սիրիայի վրա:
Ինչպես ընդգծում է The Washington Post-ը, նման հայտարարությամբ սիրիացի գործիչը հանդես է եկել առաջիկայում սիրիացի քրդերի դեմ երկրի հյուսիսային շրջաններում ռազմական գործողություններ սկսելու Անկարայի մտադրության ֆոնին:
Մեքդադը պարզաբանել է, որ թուրքական զինվորների յուրաքանչյուր հարձակում քրդական զորամիավորումների նկատմամբ Սիրիայի իշխանությունները կդիտարկեն որպես ագրեսիա և միջազգային իրավունքի խախտում:
Հիշեցնենք, որ Թուրքիայի նախագահ Ռեջեփ Թայիփ Էրդողանն անձամբ է հայտարարել, որ պատրաստվում է ռազմական գործողություններ վերսկսել Աֆրինում և Մանբիջում՝ ուղղված սիրիացի քրդերի դեմ: