Անգլիական «Մանչեսթեր Յունայթեդի» նախկին ավագ Գարի Նևիլն անդրադարձել է հայ կիսապաշտպան Հենրիխ Մխիթարյանի շուրջ ստեղծված իրավիճակին, ինչպես նաև «Արսենալի» հարձակվող Ալեքսիս Սանչեսի հնարավոր տրանսֆերին:
«Ամենապարզ նշանը, որ ինչ-որ բան կատարվում է Սանչեսի հետ դա այն էր, որ Հենրիխ Մխիթարյանը չէր խաղում: Հայ ֆուտբոլիստը կազմից դուրս էր, և Ժոզե Մոուրինյուն ուրախ էր այդ տեղեկությունը տրամադրել մեզ:
Պորտուգալացին ցանկանում է Մխիթարյանին պահել՝ ասելով, որ գնահատում է նրան, սակայն կարծում եմ՝ Մոուրինյուն մեծ սիրով կփոխանակեր Մխիթարյանին Ալեքսիս Սանչեսի հետ:
Հենրիխը տաղանդավոր ֆուտբոլիստ է, սակայն պետք է ավելին ունենաս, քան միայն տաղանդը: Դրվագներով նա փայլում էր՝ ստիպելով քեզ մտածել, որ նրա ժամանակը գալիս է, սակայն այնուհետև ֆուտբոլիստը կորում էր»,- Նևիլի խոսքը մեջբերում է Sky Sports-ը: