Լոնդոնի մետրոյում «բազմոց-մարդն» առաջարկել է նստել իր վրա (տեսանյութ)
Լոնդոնի մետրոյում նստատեղի տեսքով կոստյումով մարդ է հայտնվել, որն առաջարկել է ուղևորներին նստել իր վրա: Այս մասին հայտնում է UPI գործակալությունը:
Աղբյուրի հաղորդմամբ՝ տղամարդը վերադառնում էր երեկույթից` մետրոյի նստատեղի կոստյումով. նրա դեմքը ներկված էր երեսպատման գույնով, իսկ նրա աջ ձեռքում բազրիք կար:
Ականատեսների խոսքով՝ «բազմոց-մարդը» բարձրաձայն հայտարարել է, որ առաջարկում է իր ծառայությունները:
«Խնդրում եմ, նստեք, պարոն», - դիմել է նա ուղևորներից մեկին:
«Երբ նոր մտավ վագոն, այսպես չպահեց իրեն: Սակայն նկատելով, թե ինչպես են իրեն նայում և ինչ են ասում, նա սկսեց կատակներ անել և իսկապես օգտագործել իր կոստյումը», - պատմել է ականատեսներից մեկը: