Մեծ Բրիտանիայում ոստիկանները 21 հանցագործ են բռնել՝ օգտագործելով «Սիմփսոնների» հնարքը
Անգլիայի Սաութ Յորքշիր կոմսությունում ոստիկանները հանճարեղ պլան են մշակել հանցագործներին բռնելու համար. իրավապահ մարմինների աշխատակիցները 21 մարդ են ձերբակալել՝ օգտագործելով «Սիմփսոններ» ամերիկյան անիմացիոն սիթքոմի հնարքը:
Indy100.com կայքի հաղորդմամբ՝ ոստիկանները գովազդային թռուցիկներ են տպագրել գոյություն չունեցող ֆիրմայի անունից՝ առաջարկելով անվճար սուրբծննդյան նվեր ստանալ՝ շամպայն, գինի, պուդինգ և այլ հաճելի մանրուքներ, և ուղարկել դրանք թանքվող հանցագործների հասցեներով:
Նվերը ստանալու համար հասցեատերերը պետք է ընդամենը պայմանավորվեին առաքման համար, սակայն առաքիչների փոխարեն հանցագործների մոտ ոստիկաններ են գնացել: Արդյունքում ոստիկաններին երկու օրում հաջողվել է 31 հանցագործ ձերբակալել:
Նշվում է, որ ոստիկանների մոտեցումը շատ է նման հնարքին, որը «Սիմփսոնների» 9-րդ եթերաշրջանի 8–րդ սերիայում օգտագործել է ոստիկանության ղեկավար Վիգամը, որը հրավիրել է հանցագործներին անվճար շարժիչով նավակների բաժանման արարողությանը: