Шафқатсиз қотиллик! 17 ёшли йигит муносабатларига қаршилик кўрсатгани учун севган қизининг ота-онасини отиб ташлади
АҚШнинг Виржиня штатида 17 ёшли ўсмир ўзаро муносабатларига қаршилик кўрсатгани учун севган қизининг ота-онасини отиб ташлади.
Хабарда айтилишича, қотиллик Лортон шаҳрида содир бўлган.
Муносабатларининг таъқиқланишидан ғазабланган ўспирин кечки пайт севган қизининг уйига яширинча кириб борган ва унинг 48 ёшли отаси ва 43 ёшли онасини отиб ўлдирган.
Қотилликдан сўнг ўсмир ўзини ҳам отган, аммо шифокорлар унинг ҳаётини сақлаб қолишга эришдилар.
Аниқланишича, йигит севган қизи ота-онасининг гапини қайтара олмай, шахсий муносабатларига нуқта қўйиши ҳақида айтганидан сўнг мазкур ишга қўл урган.