Боғча тарбиячиси болаларни иссиқ елим билан азоблагани учун қамоққа олинди
Чикагода жойлашган боғчаларнинг бирида фаолият олиб борувчи икки нафар тарбиячи болаларнинг устидан кулиб, уларга шафқатсиз тарзда муомала қилганликлари учун қамоққа олиндилар.
Хабар берилишича, кузатув камераларига 32 ёшли Лизандро Косме 5 нафар болакай танаси иссиқ термоелим ёрдамида куйдиргани ва бу пайтда унинг ҳамкасби 27 ёшли Сьюзана Гонсалес ҳодисани кузатиб, кулиб тургани тушиб қолган.
Видеода 2 ёшли болалар елим қўлларига қуйилаётган пайтда қандай азоб чекканлари акс эттирилган. Лизандранинг адвокати эса ушбу ҳодиса болаларга зиён етказмаслиги ва аёл 10 йиллик фаолияти давомида бирор марта жанжалларга аралашмагани ҳақида таъкидламоқда.
Текшириш ишлари натижасида тарбиячи елимни ўз уйидан Янги йил лойиҳалари устида ишлаш учун олиб келгани аниқланган. Бўлган воқеаларни эса 16 нафар болакай кузатиб турган.
Айни пайтда тарбиячиларнинг ҳар иккиси ишдан бўшатилган ва қамоққа олинган.