Оьрсийчоьнан хIорда бухула лелачу флото жигаралла гайтарна саготта ю НАТО
НАТО-н инарлин секретаро Столтенберг Йенса кIирандийнахь немцойн жрналистана хаам бина, 2014-чу шарахь дуьйна Оьрсийчоьнан тIеман хIордан ницкъаш хаъала чIагIбина, хIорда бухула лела 13 керла кема а дина.
Шен агIор НАТО-н тIеман хIорда бухула лелачу ницкъийн буьйранчо вице-адмирало Леннон Эндрюс, Iамеркерчу The Hill зорбанан гIирсана интервью луш, хаам бина, "Оьрсийчоьнан хIорда бухула лелачу кеманаша тIаьхьарчу 10 шарахь хиллачул а алсамдаьккхина хIордашкахула дIасалелар. Адмирало Леннона дийцарехь, уьш хIинца дукха улле догIу Цхьаьнатоьхначу Штатийн бердашна.