د ارزګان چارواکي: ترینکوټ کې ۱۴ وسلهوال طالبان وژل شوي
د دوى په خبره په وژل شويو کې د دوى څو قوماندانان هم شامل دي او ۱۳ تنهيې ژوندي نیول شوي دي.
د ملي اردو د څلورمې پلې لوا قوماندان ډګروال رحمتشاه قیمتي نن دوشنبه ازادي راډيو ته وویل، دغه شمېر وسلهوال پرون او تېره شپه د ترينکوټ په سوله او مهراباد سيمو کې وژل شوي دي.
ښاغلي قيمتي وويل، عمليات به د سيمو تر تصفيې پورې دوام کوي.
په ترينکوټ کې د څلورمې پلې لوا قوماندان وايي، په دغو عملياتو کې لسګونه کړۍ ماينونه هم کشف او شنډ کړاى شوي دي.
وسلهوالو طالبانو تر اوسه په دې اړه تبصره نهده کړې.
د ترينکوټ په شمال ختيځ کې له پنځو ورځو راهيسې پوځي عمليات روان دي.