“Қора бозор”да ака-ука “долларчи”лар қўлга тушди
Хорижий валютани ноқонуний олди-сотди қилган яқин оға-ини Илёс ва Аббос Ғаниевга Жиззах шаҳар маъмурий суди томонидан 15 суткалик маъмурий қамоқ жазоси тайинланди. Бу ҳақда Hordiq.uz ёзмоқда.
Ака-укалар фуқаро Ғ.Ҳазратқуловдан 400 долларни 3 миллион 200 минг сўмга сотиб олаётганида ички ишлар ходимлари томонидан қўлга олинди. Улар Ўзбекистон Республикаси Маъмурий жавобгарлик тўғрисидаги кодексининг тегишли моддаси билан айбдор деб топилди.
Ашёвий далил сифатида олинган пуллар давлат фойдасига мусодара қилинган.