Ավելի քան 100 մլն դոլար. Դանիայում կառուցվել է աշխարհի «ամենահումանիստական» բանտը (լուսանկարներ)
Դանիայի Գունդսլև քաղաքից ոչ հեռու կառուցվել է աշխարհի «ամենահումանիստական» բանտը, այս մասին գրում է The Daily Mail-ը:
Լրատվամիջոցը նկատում է, որ արտասովոր այս բանտը հեշտությամբ կարելի է շփոթել համալսարանական մասնաշենքի հետ:
Այստեղ յուրաքանչյուր բանտախուց ունի իր առանձին լոգարանը, սառնարանը, հեռուստացույցը, պահարան հագուստի համար, հարմարավետ մահճակալ, գրասեղան իր լամպով: Ամեն մի սենյակի տարածքը մոտ 4 քմ է:
Բացի այդ, բանտում կան ընդարձակ ընդհանուր սրահներ, եկեղեցի, մարզադահլիճ, խոհանոց, որտեղ բանտարկյալները կարող են իրենք իրենց համար սնունդ պատրաստել և նույնիսկ գյուղատնտեսությամբ զբաղվելու համար նախատեսված տարածք:
Այս յուրօրինակ բանտի համար, որտեղ կարող է տեղավորվել 250 բանտարկյալ, ծախսվել է ավելի քան 100 մլն դոլար: Բանտի ստեղծողները պնդում են, որ այս կերպ իրենց կհաջողվի կրճատել կրկնահանցագործների թիվը: