Аның белән узган матбугат конференциясендә журналистлар эшчеләрнең уртача хезмәт хакы белән дә кызыксынды.
– Августта түбән разрядлы эшчеләрнең хезмәт хакы күтәрелде (уртача хезмәт хакы 22,5 % ка арткан – корр.). 3-4 нче разряд белән эшкә килүчеләргә компаниянең шәхси кулланучы кәрзине дәрәҗәсендәге хезмәт хакы исәпләнде. Аның күләме – 28 мең сум, – дип җавап бирде баш нефтьче. – Ул ипотека кредитын, машина өчен кредит проценты түләүне, баласы туган очракта үзе генә эшләячәген, җиһаз сатып алуны, ашау-яшәүне үз эченә ала. Киләчәктә бу юнәлештәге үсешне вакыт күрсәтер. Ә бәлки нефть бәясе 700, ә доллар 4 сум булыр? Ул вакытта нишләрбез?