PANOORIN: Ano na nga bang nangyari sa mga kaso ni Leila de Lima?
MANILA, Philippines – Anim na taon na ang nakalipas ngunit nananatili pa ring nakapiit ang dating senadorang si Leila de Lima.
Nakapiit ang dating mambabatas at lider ng oposisyon dahil sa mga alegasyong tumanggap siya diumano ng pera mula sa ilegal na droga sa loob ng New Bilibid Prison. Tatlong kaso ang isinampa laban kay De Lima ngunit naibasura ang isa sa mga ito noong 2021.
Sa darating na Lunes, May 8, magdedesisyon ang korte kung papayagan si De Lima na makapagpiyansa sa isa sa mga kaso niya. Sa Biyernes, May 12, naman, ibababa na rin ng korte ang hatol nito sa natitira pang isang kaso.
Kung payagan siyang makapagpiyansa sa isang kaso at maibasura ang natitirang kaso, pansamantalang makalalaya si De Lima matapos ang ilang taon.
Panoorin ang paliwanag ni Rappler reporter Jairo Bolledo. – Rappler.com