Вечарам 19 ліпеня на вуліцы Горкага ў Гродне інспектары ДАІ спынілі вялікагруз МАН пад кіраваннем 33-гадовага мужчыны. Падчас праверкі дакументаў і фізічнага стану ў яго былі выяўлены прыкметы алкагольнага ап’янення, паведамляе ДАІ.
Па медычным заключэнні, утрыманне алкаголю ў арганізме кіроўца фуры ў 11 разоў перавысіла норму і склала 3,32 праміле.
Ад тлумачэнняў мужчына адмовіўся. Цяпер за п’яную язду яму пагражае штраф у памеры 200 базавых адзінак і пазбаўленне права кіравання транспартнымі сродкамі тэрмінам на 5 гадоў.
Інспектары ДАІ заклікаюць кіроўцаў не садзіцца п’янымі за руль, а ўдзельнікаў дарожнага руху інспектары просяць тэлефанаваць на нумар 102, калі ім трапіцца п’яны на дарозе.
