Փակ գաղտնի քվեարկությամբ ԱԺ փոխնախագահի պաշտոնից Իշխան Սաղաթելյանին հեռացնելուն կողմ է քվեարկել 66 պատգամավոր, դեմ՝ 0։
Վահե Հակոբյանն էլ հեռացվել է ԱԺ Տնտեսական հարցերի մշտական հանձնաժողովի նախագահի պաշտոնից։ Հեռացնելուն կողմ էր քվեարկել 66 պատգամավոր, դեմ՝ 0:
Իշխան Սաղաթելյանին եւ Վահե Հակոբյանին պաշտոններից հեռացնելու ԱԺ նիստը նախաձեռնել էր «Քաղաքացիական պայմանագիր» խմբակցությանը:
Ըստ նրանց՝ Սաղաթելյանը պարբերաբար բացակայել է ԱԺ նիստերից, հրահրել է բախումներ, օգտագործել է ատելության խոսք, վիրավորել հանրության տարբեր ներկայացուցիչների, ԱԺ պատգամավորների։ Հակոբյանը ԱԺ 8-րդ գումարման առաջին օրացուցային կիսամյակի ընդհանուր 342 քվեարկությունից չի մասնակցել 194-ին. հրավիրված 25 խորհրդի նիստերից բացակայել է 20 անգամ։