Qarabağ`ın baş məşqçisi Qurban Qurbanov ÇL-nin 2-ci təsnifat mərhələsində Sheriff`lə keçiriləcək oyun öncəsi baş tutan mətbuat konfransında açıqlamalar verib.
ONBİR təcrübəli mütəxəssisin müsahibəsini təqdim edir:
“Hər iki komandanın yaxşı heyəti və böyük təcrübəsi var. Daha əvvəl iki dəfə qarşılaşmışıq. Amma buna fikir vermirik. Çətin oyun olacaq. Meydançaya gəldikdə, hər gün ot örtüyü ilə maraqlanırdım. Sabah daha yaxşı olacaq.
Rəşadın meydanda yoxluğunu tək Qarabağ deyil, Azərbaycan futbolu hiss edir. İstərdik ki, onun kimi lider komandamızda olsun. Bunu hamı arzulayır. Dünya praktikasında da belə bir şey var. Onun meydanda olması böyük bir kömək idi. Yoxluğunu hiss edirik. Medina ilə Rəşad fərqli oyunçulardır. Hərəsinin öz üslubu var. Amma Kevin`dən də başqa cür faydalanırıq. Tam uyğunlaşmayıb, lakin komandaya güc qatır.
Mahir`in inkişaf edən dövrüdür. Son vaxtlar daha peşəkar olub. Belə davam etsə, daha yaxşı Mahir görəcəyik. Bu, onun borcudur. Ndlovu da yeni gələndə tənqid olunurdu, amma sonradan faydası dəydi. Mahir əvvəl gənc idi, təcrübəsi çatmırdı. İndi ondan daha çox şey gözləyirik. Amma bir mövqedə 2-3 futbolçu olarsa, daha yaxşı olar. Musa Qurbanlı barədə fikir bildirməsəm, daha yaxşı olar. Bu barədə danışmaq tezdir. Qapıda ya Emil, ya da Şahruddin olacaq”.
(Report.az)
The post “Rəşadın yoxluğunu tək Qarabağ deyil, Azərbaycan futbolu hiss edir” appeared first on ONBİR.