24 августта Чиләбе өлкәсенең Нязепетровск районы Арыслан авылы туган көнен билгеләп үтәчәк. Бу хакта Чиләбе өлкәсе татар конгрессының «ВКонтакте» социаль челтәрендәге төркемендә хәбәр ителә.
Бәйрәм кысаларында «Традицияләрнең көче – аларның уникальлегендә» фестивале була, ул 12.00 сәгатьтә мәдәният йорты янындагы мәйданчыкта башлана. Фестиваль программасына декоратив-гамәли сәнгать буенча мастер-класслар, традицион халык уеннарын берләштергән концерт-күңел ачу программасы, Нязепетровск районындагы иң зур чәкчәкне бергәләп әзерләү һәм аны татып карау, уникаль товарлар һәм тәм-томнардан торган ярминкә кергән.
