Йўлларимиз фаровон. Қалбимизда олам-олам завқ. Мен бу сўзларни бекорга айтаётганим йўқ. Маълумингизким Ўзбекистон Республикаси Президентининг 2016 йил 29 ноябрдаги қарорига мувофиқ узунлиги 7, 1 километр бўлган Тошкент метрополитенининг Сергели линияси қурилиши лойиҳасини амалга ошириш бўйича бунёдкорлик ишлари ҳозирги кунда қизғин олиб бормоқда. Айнан шу мавзу юзасидан бугун Ўзбекистон Миллий матбуот марказида “Тошкент шаҳрида Сергели ва Юнусобод йўналишидаги метро қурилиши , пойтахтимиз атрофидаги катта ҳалқа йўли бўйлаб ҳаракат қиладиган ер усти метросининг қурилиш жараёни ва бу борада қўлланилаётган технологиялар, 2017 йил таҳлили ҳамда 2018 йилда амалга ошириладиган ишлар”га бағишлаб брифинг ўтказилди. Сергели метро линияси бугунги кунгача Марказий Осиёда қўлланилмаган бутунлай янгича эстакада усулида бунёд этилмоқда. “Тошкент метрополитени Юнусобод йўналишининг иккинчи босқичи қурилиши” лойиҳасининг умумий қиймати-124,8 млн. АҚШ долларини ташкил этади. Барпо этилаётган янги йўлнинг умумий узунлиги 2,93 километрдан иборат. Лойиҳа 2019 йилда тўла ниҳоясига етказилиши кўзда тутилган. Ушбу лойиҳанинг дастлабки босқичида Тошкент метрополитенининг “Дўстлик” бекатидан Қўйлиқ бозоригача бўлган 8та бекатдан иборат қисми қурилади. 3-лойиҳа бу ер метро ҳалқа йўли қурилиши бўлиб, унинг умумий узунлиги 52,1 километрни ташкил этади. Ушбу йўналиш бўйича поездларнинг ўртача ҳаракат тезлиги соатига 60 километрга етади, ҳалқа бўйлаб йўлни босиб ўтиш вақти 1 соату 10 дақиқа этиб белгиланган. Кейинчалик, у “Олмазор”, “Беруний”, “Бодомзор” ҳамда “Тузелъ бекатлари орқали яна “Дўстлик” бекатига туташтирилиб, яҳлит метро ҳалқасини ташкил этади. Бундан ташқари 2 та вагон депоси қуриш ҳам режалаштирилган. Лойиҳага кўра, мазкур метро йўли Яшнаобод, Учтепа, Олмазор, Юнусобод, Чилонзор, ва Сергели туманлари ҳудудидан ўтади. Лобар Мирзо