Utanriksminister i Israel, Israel Katz skriv på X at han lovar «å handle mot dei som handlar imot» Israel.
Bakgrunnen for utspelet er at Noreg førre veke stengde det representative kontoret i byen Al-Ram på Vestbreidda, etter at Israel vedtok å trekkje tilbake akkrediteringa til dei norske diplomatane som jobba der.
Katz skriv på X at han gjorde dette «på grunn av Noregs anerkjenning av ein palestinsk-Hamas-stat etter massakren 7. oktober, og deira støtte til utferdinga av arrestordre mot statsminister Benjamin Netanyahu og israelske toppembetsmenn».
I over 30 år har kontoret på Vestbreidda i praksis fungert som Noregs ambassade i dei palestinske områda.
Vestbreidda er okkupert av Israel, og diplomatane der har operert med Israel si velsigning.
Den velsigninga trekte Israel tilbake 8. august.
– Det er jo ikkje slik at dei har bede oss dra frå Israel. Dei har nekta oss å arbeide på palestinsk land. Det er eit ganske ekstremt tiltak, sa Noreg utanriksminister Espen Barth Eide om saka på fredag.
