Fleire amerikanske aviser ber USAs president Joe Biden trekka seg frå presidentvalet, etter ein «katastrofal» opptreden under debatten i natt.
– Eg skulle ønska Biden reflekterte over denne debattprestasjonen og vidare kunngjorde si avgjerd om å trekka seg frå løpet, skriv New York Times-spaltist Nicholas Kristof på X.
Kommentatoren meiner Biden bør la nokon andre stilla som presidentkandidat for demokratane.
Også Financial Times-direktør Edward Luce tok til X for å dele sine tankar.
– Dette er ein katastrofe, skreiv han.
Det politiske nyheitsmediumet Politico skriv også at Biden burde ta sin hatt og gå.
