ملګرو ملتونو د نوبېل امن جايزې ګټونکې ملاله يوسفزۍ د تېرې لسيزې تر ټولو کم عمره مشهوره نجلۍ ګرځولې. د ملالې پلار او مدني فعال ضياالدين يوسفزی وايي د ملګرو ملتونو پر دغه ګام ډېر خوشاله دی. نوموړی وايي ملالې ته دغه اعزاز ځکه ورکړل شوی، هغې دا تاثر ختم کړ چې ماشومان د خپلو حقونو لپاره مبارزه نشي کولای او دوهمه دا چې هغې د نجونو د تعليم او حقونو لپاره مبارزه کړې ده.
له ضياالدين يوسفزي سره زموږ همکار اسرار عالم مرکه کړې او په سر کې يې ترې پوښتلي چې په دې تېره لسيزه کې ملالې يوسفزۍ د افغانستان پر حالاتو، د پښتون ژغورنې غورځنګ غړیو پر نيولو، خړ کمر پېښې او داسې نورو پېښو باندې ولې ډېرې خبرې نه دي کړې.