Серпухов шәһәрендә яшәүче ир-атның колагына таракан кергән. Тараканны хастаханәдә генә колактан чыгара алганнар. Бу турыда «Московский комсомолец» хәбәр итте.
34 яшьлек ир-ат фатирында йоклап ята. Төнлә белән аның колагына таракан кереп оялый. Табиблар чыгарганда, ул үлгән була.
Ир-ат беренче каттагы фатирда яши. Төнлә ул колагында нидер кыштырдаганын абайлап ала. Аннары колагына бөҗәк кергәнен аңлап, уяна. Ир-ат бөҗәкне үзе чыгара алмый. Өстәвенә, колагына зыян китерә – колактан кан китә.
Ул «ашыгыч ярдәм» чакыра. Урынга килгән табиблар да колактагы бөҗәкне чыгара алмый. Пациентны хастаханәгә алып киләләр. Биредә махсус кораллар ярдәмендә колактагы тараканны чыгаралар. Ул 1,2 см озынлыкта була. Ир-атның колагын юдыртканнар, дарулар биргәннәр һәм өенә җибәргәннәр, диелә хәбәрдә.
