Новости за 02.08.2024

Павел Дуров үзенең 100дән артык балага биологик әти булуы турында игълан итте. Аның бу постыннан соң сперма банкына орлык тапшырырга теләүчеләр саны 980%ка арткан. Дуров криобанкларда аның донор биоматериалы инде 15 ел саклануын да әйткән.

Хабаровск шәһәрендә яшәүче хатын яңа туган кызын үтерергә маташкан, 11 айлык улына роллы ашаткан. Аны хөкем иткәннәр. Бу турыда «Комсомольская правда» яза.

Җырчы Ильвина социаль челтәрдәге сәхифәсендә шәхси тормышына кагылышлы сорауларга җавап биргән. Күпчелек язылучылары аны кызы Раянаның әтисе кем булу турында сорап аптырата. Бу хакта сүз куертып тормыйча, җырчы: «Үземне «ДНК» тапшыруында итеп хис итәм. Минем кызымның әтисе – элекке ирем. Шуның белән тәмамлыйк», – дип кенә язып куйган.

Югары температура, мускуллар һәм бил сызлау, ә соңрак тәнгә тимгелләр чыгу – Тимурда Көнбатыш Нил бизгәге менә шундый билгеләр белән башланган. Республика клиник йогышлы авырулар хастаханәсе пациенты бу авыруны ничек кичерүе турында сөйләде.

3 августта Татарстанда аязучан-болытлы һава торышы була. Төнлә урыны белән яңгыр, яшенле яңгыр, томан төшәчәк. Көндез кыска вакытлы яңгыр, урыны белән көчле яңгыр, боз ява, яшен булачак. Көньяк-көнбатыштан 6-11, көндез урыны белән 15-20 метр тизлектә көчле җил. Төнлә һава температурасы +10..+15˚, көндез +20..+25˚ градус.

Помидорларны кышка үз согында әзерләү өчен:

3 кг вак помидор,

3 кг итләч, эре помидор,

3 аш кашыгы тоз,

9 аш кашыгы шикәр комы,

3 аш кашыгы 9 процентлы аш серкәсе,

1 баш сарымсак,

5-6 түгәрәк борыч кирәк.

Фото: © Гөлүзә Василова

Эре помидорларны һәм сарымсакны блендер белән вакларга яки иттарткычтан чыгарырга, утка куярга. Кайнап чыккач, бу массага вак помидорларны һәм яшел тәмләткечләрне салып, чама белән 15-20 минут пешерергә. Читать дальше...

Мәрхүм кешенең кредиткасы аркасында туганнарын хөкем итүләре ихтимал. Үлгән туганыңа рәсмиләштерелгән кредит картасы белән түләүнең куркынычы турында юрист Алексей Бабин сөйләгән. Бу турыда «АиФ» яза.

1 август – халык шагыйре Роберт абый Миңнуллинның туган көне. Исән булса, аңа быел 76 яшь тулган булыр иде. Кызы Таңсылу Роберт абыйның вафатыннан соң социаль челтәрдәге сәхифәсен шәхсән үзе алып бара. Якын кешесенең туган көнендә ул язма рәвештә әтисе белән «сөйләшкән».

Бәләбәйдә яшәүче ир-атны хатынын үтергән өчен хөкем иттеләр. Бу турыда «Башинформ» хәбәр итте.

Рөстәм Нәбиев үзенең фаҗигале рәвештә һәлак булган Шамил исемле абыйсы турында сөйләгәндә, әтисе ягыннан нәселләрендәге бер мистик күренеш турында да әйтеп үтә. Блогер сүзләренчә, 17 июль – аларның гаиләләрендәге барлык ир-атлар өчен дә сакланып йөрергә кирәкле куркыныч көн.

«Җәлилчеләр җире» проекты кысаларында Әхмәт Симаевның туган авылы Усть-Рахмановка авылында булып кайттык. Җәлилченең хәтерен мордва, рус тарихчылары саклавы, ул яшәгән йортка истәлек тактасы кую белән проблемалар, Әхмәт Симаевның кызы Людмиланың чын әтисе турында 18 яшьтә генә белүе һәм башка кызыклы мәгълүматлар - «Интертат» репортажында.

Бакчада яшелчәләр өлгергән вакыт. Гади генә итеп, җиңел кичке аш пешерергә була. Итле ризык яратучылар тавык эч-башларын сала ала, алар яшелчәләр белән бергә пешә, ә инде ит салган очракта, башта итне яртылаш әзер булганчы пешерергә кирәк була.

Чәйнектә юшкын еш барлыкка килә, әмма чәйнек озак эшләсен өчен, аны даими чистартып торырга кирәк. Моны кул астындагы гади генә әйберләр белән эшләп була.

Яңа Мәскәүдә яшәүче хатын-кыз базардан сатып алган җиләк эчендә куркыныч үрмәкүч оясы тапкан. Бу турыда «Московский комсолец» яза.

Илсөя Бәдретдинова һәм аның «ИБ банда»сы, бик тырышып, «Күрсәтәсем килә» дип исемләнгән яңа концерт сезонына әзерләнә. Җырчы яңа образларын һәм номерлардан өзекләрне социаль челтәрдәге сәхифәсендә күрсәтә башлады. Бу бик аз өлеше генә, әле күрәселәр алда…

«Акчарлак» газетасы матбугатка язылу кампаниясе дә бармаган бер вакытта Горки-Әмәт урманы паркында тамашачы өчен «йолдызлы» концерт оештырды һәм суыткыч уйнатты. Әлеге мәдәни чарада безнең журналистларыбыз да булды.