Алып баручы, шагыйрь Ренат Галиәскәр өйләнгән. Бу хакта тапшырулар алып баручы Венера Аитова үзенең сәхифәсендә хәбәр итә. Ул туйдан фото-видеолар куйган. «Бүген бездә ел вакыйгасы, ел туе! Татарстаннның иң танылган буйдагын өйләндерәбез. Бәйрәмнең масштабын аңлар өчен күрегез әле, нинди чират кияү һәм кәләш белән фотога төшәр һәм аларны котлар өчен! Менә шул дәрәҗәдә көтелгән туй бүген», – дип яза Венера Аитова мәҗлес турында.
Туй мәҗлесе бик матур узганга охшап тора. Ренат та, аның кәләше Айгөл дә үзләренең иң мөһим көннәре өчен милли стильдәге киемнәр сайлаганнар. Мәҗлескә аларның барлык якыннары, дуслары җыелган.
Бәйрәмнән кадрларны Ренатның иң якын дусларының берсе Айваз Садыйров та күрсәтте.
Ренат үзенең сөйгән кызына тәкъдимне дусты Илсөя Бәдретдинова концертында ясаган иде.
Сөйгәне турында сөйләп, тәкъдим ясагач хис-кичерешләре белән кияү егете биредә бүлеште:
