Җырчы Эльвира Хамматова сәхифәсен карап баручылардан килгән сорауларга җавап биргән.
Илшат Вәлиев белән бик еш чыгышлар ясавын күреп: «Сезне Илшат Вәлиев белән нәрсә берләштерә? Хатыны көнләшмиме?» – дип сораганнар Эльвирадан.
«Юк, хатыны көнләшми. Эльмира – бик зирәк хатын. Безне эш кенә берләштерә», – дигән ул.
Эльвирадан улы Солтанның әтисе белән аралашу-аралашумавы турында да сораганнар.
«Солтанга 11 яшь тула, Аллаһы боерса. Әтисе белән сирәк аралашалар, аның үз тормышы. Көрәшкә йөри, инглиз теле өйрәнә. Үзе теләгән түгәрәкләрен генә калдырдым. Хорны ташлады, җырларга теләге юк. Мин шат», – дигән ул.
