Чи хастаррисемпе пуçаруллисем Атăл леш енчи «Буревестник» кану вырăнĕнче пуçтарăнчĕç. Кунта кăçалхипе 10-мĕш хут «Çамрăксен хули» вĕрентӳ форумĕ уçăлчĕ. Вăл 5 кун пырать. Çак вăхăтра паянхи пурнăç таппипе утакан яшсемпе хĕрсем бизнесра ăнăçу тăвакансемпе, политика тата общество деятелĕсемпе, тĕрлĕ сферăри специалистсемпе тĕл пулаççĕ. Çав вăхăтрах туслă çыхăнусем йĕркелеççĕ. Çамрăксен хулипе Республика пуçлăхĕ те паллашрĕ.