Чит илгә беренче турлар 1 августта ачылырга мөмкин
(Казан, 22 апрель, «Татар-информ»). Коронавирус эпидемиясеннән соң Россиядән чит илләргә беренче турлар 1 августтан да иртәрәк планлаштырылмый. Бу турыда Россия туроператорлары ассоциациясенә сылтама белән РИА Новости хәбәр итә.
Туроператор агентлыклары чит илгә юлламаларны 1 августтан сату мөмкин булуы турында хәбәр алган. Шулай итеп, гамәлдән чыгарылган турларны алдагы көннәргә генә күчерергә мөмкин, дип сөйләделәр ассоциациядә. Компанияләр төрле илләрдә санитар-эпидемиологик хәлгә, шулай ук аларның хакимиятләренең киңәшләренә һәм карарларына нигезләнәчәк.
Шул ук вакытта Россия буенча турларны 2020 елның 1 июненнән үк броньларга мөмкин.
Бөтендөнья сәламәтлек саклау оешмасы 11 мартта COVID-19 яңа коронавирус инфекциясе таралуны пандемия дип игълан итте. Соңгы мәгълүматлар буенча, дөньяда 2,39 миллионнан артык авыру йоктыру очрагы теркәлгән, 162 меңнән артык кеше вафат булган.