უშიშროების საბჭოს სხდომას 11 მუდმივმოქმედი წევრიდან დღეს მხოლოდ 8 წევრი ესწრება.
მუდმივმოქმედი წევრებიდან დღევანდელ შეხვედრაზე იმყოფებიან თავდაცვის, შინაგან საქმეთა მინისტრები, სახელმწიფო უსაფრთხოების სამსახურის ხელმძღვანელი და პარლამენტის თავმჯდომარე.
შეხვედრის დაწყების წინ კომენტარი გააკეთა თავდაცვისა და უშიშროების კომიტეტის თავმჯდომარემ ირაკლი სესიაშვილმა და განაცხადა, რომ შეხვედრაზე განხილული იქნება ტერორიზმის რისკები და ამ თემასთან დაკავშირებული საფრთხეები. მან ასევე ისაუბრა საბჭოს სხდომაზე პრემიერმინისტრის არმისვალასთან დაკავშირებით.
"პრემიერმა მოიწვია კრიზისებისა და უსაფრთხოების საბჭოს სხდომა, სადაც დეტალურად და კოორდინირებულად იყო ყველა ის საკითხი განხილული, ასევე გაიწერა მთელი რიგი ღონისძიებები, რომელთა აღსრულებაც დღესაც მიმდინარეობს, ამიტომ მისი გადასაწყვეტია დღევანდელ სხდომას დაესწრებოდა თუ არა,“ - განაცხადა ირაკლი სესიაშვილმა.
შეხვედრა 16:00 საათზე დაიწყო და ამ დრომდე გრძელდება.
