Кутилмаган сюрприз. хавфли инфекция туфайли Kinder шоколади назоратга олинди
Бельгияда тарқалаётган сальмонеллёз инфекцияси сабаб Ўзбекистон Соғлиқни сақлаш вазирлиги “Kinder” савдо белгиси остидаги маҳсулотларни назоратдан ўтказяпти.
Ҳозиргача мамлакатда шоколад орқали сальмонеллёз инфекциясини юқтириш ҳолатлари қайд этилмади. Шу кунларда дунёнинг айрим мамлакатларида “Kinder” савдо белгиси остида Бельгияда ишлаб чиқарилган шоколад маҳсулотлари сотув расталаридан олиб ташланмоқда.
ЖССТнинг маълум қилишича, 11 давлатда сальмонеллёз касаллигига чалиниш ҳолатлари кескин ошиб кетиши айни шу ширинликлар билан боғлиқ. Зарарланган шоколад маҳсулотлари камида 113 давлатга тарқатилгани айтилмоқда.
Мутахассислар изоҳига кўра, сальмонеллёз инсоннинг ошқозон-ичак трактига зарар етказувчи бактериялардир.
Умумий симптомлар – диарея, иситма, қорин оғриғи ва кўнгил айниши кўп кузатилади. Аниқ ташхис қўйиш учун микробиологик ва бактериологик таҳлиллар зарур.