Казанда яшәүчеләрнең яртысыннан артыгы (51 проценты) атнасына дүрт көн эшләргә тели. Superjob сервисы үткәргән сораштыру нәтиҗәләре шуны раслый.
Казанлыларның 27 проценты, хезмәт хакы кимүеннән куркып, атнасына дүрт көн эшләүгә каршы чыккан. Хатын-кызлар атнасына дүрт көн эшләүне ир-атларга караганда уңайрак бәяли. Яшьләр дә моны актив рәвештә яклый.
Сораштыруда катнашкан 10 кешенең җидесе (69 проценты) биш көнлек норманы дүрт көн эчендә үти алачагына ышана. 20 процентка якыны моны эшли алмавын әйткән.
Респондентларның 28 проценты - өстәмә ял көнен гаиләсе белән үткәрергә, һәр дүртенчесе – ял итәргә, 17 проценты өстәмә эш белән шөгыльләнергә тели.
