Россия танылган журналисты, телевидение алып баручысы Максим Шәрәфетдинов Бөтенроссия дәүләт кинематография институтында (ВГИК) телетапшырулар алып баручыларын әзерләү курсын җитәкләячәк. Биредә күңел ачу тапшыруларыннан алып хәбәри программаларга кадәр төрле форматтагы телетапшырулар алып баручыларны әзерләячәкләр. Укулар октябрьдә башлана.
«Сез камераны ярата башлаячаксыз. Аннан курыкмаска өйрәнәчәксез. Практик дәресләрдә мин туры эфирда килеп чыга ала торган ашыгыч хәлләрне модельләштерәм. Андый ситуацияләрне телевидение алып баручысының куркыныч төше дип атыйлар. Шул рәвешле без куркуны җиңәбез һәм эфирда килеп чыга ала торган теләсә кайсы мәсьәләне җиңел генә хәл итәргә өйрәнәбез», - дип сөйләде Максим Шәрәфетдинов.
Тугыз айлык курс профессиональ телевидение алып баручысы булырга теләүчеләр, журналистлар һәм блогерлар, халык алдында чыгыш ясаучылар һәм спикерлар өчен каралган. Укулар октябрьдә башлана. Тулырак ВГИК сайтында.
