Mayısnıñ 29-nda Aqyarda yañı COVID-19 hastaları qayd etilmedi, dep bildire şeerniñ Rusiye ükümetiniñ matbuat hızmeti.
Umumen Aqyarda 161 insan koronavirusnen hastalandı. 129 kişi tüzeldi, 3 insan vefat etti. 78 insan yuqunç hastahanesinde közetile, №9 şeer hastahanesinde 77 insan közetüv altında buluna. 612 insan yaşağan yerinde közetile.
Mayısnıñ 29-nda Qırımda altı yañı koronavirus hastası qayd etildi. Qırımda 375 COVID-19 hastası qayd etildi.
Hatırlatamız, Aksenov, Qırımda iyünniñ 15-nde şifahane-kurort kompleksi Rospotrebnadzor talaplarına uyğun bir şekilde çalışıp başlaycaq, lâkin tek qırımlılar raatlana bilecek, dep bildirdi.
Yarımadada iyünniñ 1-nden itibaren qave ve restoranlarnıñ yaz meydançıqları çalışacaq.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
