Дар як ҳамла бо корд ба кӯдакистоне дар ҷануби Чин рӯзи 4 июн дастикам 39 нафар, аксар кӯдакон ҷароҳат бардоштанд. Мақомоти ноҳияи Кангвуи вилояти Гуансӣ гуфтанд, ки дар ҳамла 37 кӯдак ва ду калонсол маҷрӯҳ шуданд. Матбуоти давлатӣ хабар дод, ки ин ҳамла кори дасти нигаҳбони ҳамин кӯдакистон Лии 50-сола мебошад. Сабаби даст ба ин кор задани мард феълан маълум нест, вале ӯ аллакай дар боздошт аст. Телевизиони давлатӣ гуфт, ки дар ин ҳамла 40 нафар маҷрӯҳ шуданд, аз ҷумла се нафар – мудири кӯдакистон, як муҳофизи дигар ва як кӯдак дар ҳолати сангин қарор доранд. Дар наворҳои видеоӣ дида мешавад, ки кӯдакони осебдидаро баъди ёрии тиббӣ аз беморхона издиҳоми калони мардум пешвоз мегирад.
