Сафорати Қирғизистон дар Русия шарҳ дод, ки маблағҳои ҷудошуда барои муҳоҷирон ба чӣ шакл сарф хоҳанд шуд. Ба огаҳии сафорат, аз 10 миллион соме, ки пештар ваъда шуда буд, 25-уми апрел 4 миллион сом аллакай ҷудо шудааст.
Бо ин пул ниёзмандон, аз ҷумла мубталоёни коронавирус, беморони вазнин, хонаводаҳои серфарзанд, модарони танҳо ва ҳомиларо бо ҷои хобу ғизо таъмин мекунанд.
"Кумаки молӣ дар шакли нақдина пешбинӣ нашудааст. Кӯмакҳоро комиссияи махсуси сафорат дар якҷоягӣ бо раҳбарону фаъолони ҷамъияти қирғизҳо дар Русия тақсим мекунад",-афзудааст сафорат.
Ҳукумати Қирғизистон 21-уми апрел хабар дод, ки барои дастгирии шаҳрвандони дармондаи ин кишвар дар хориҷ 15 миллион сом (беш аз 186 ҳазор доллар) ҷудо мекунад. 10 млн сом барои сафорати Қирғизистон дар Русия ва 5 млн сом барои сафорати ин кишвар дар Имороти Муттаҳидаи Араб дода хоҳад шуд.