Cозмонҳои ҳомии ҳуқуқ ҳукумати Чинро ба боздошти худсаронаи як то ду миллион нафар аз уйғурҳои мусулмон муттаҳам карда ва ин амали онро ҷиноят ба зидди башарият хондаанд.
Дар 16-ум рӯзи соли нави хониш кӯдакону наврасони деҳаи марзии Сомониён дар паи муноқишаи мусаллаҳонаи Тоҷикистону Қирғизистон аз мактаби худ маҳрум шуданд.
Гулнора, як қирғизтабори Тоҷикистон, дар ин муроҷиати видеоӣ мардуми ду кишварро ба сулҳ даъват мекунад. Дар байни Тоҷикистону Қирғизистон рӯзҳои 14 -17 сентябр муноқиша бархост ва аз ҳарду тараф даҳҳо нафарро куштаву захмӣ бар ҷой гузошт.
Президент Иброҳим Раисӣ рӯзи 24-уми сентябр гуфт, ки Эрон “бояд бо онҳое, ки зидди амният ва оромии кишвар баромад мекунанд, қотеона амал кунад”. Ин изҳорот дар ҳоле садо дод, ки матбуоти давлатӣ навишт, дар эътирозҳои як ҳафтаи ахир бо сабаби марги духтари 22-солаи боздоштшуда барои ҳиҷоби нодуруст 35 нафар кушта шуд. Раисӣ ин суханҳояшро зимни як сӯҳбати телефонӣ бо оилаи ходими амнияти дар ҷараёни эътирозҳои зиддиҳукуматӣ кушташуда баён кардааст. Эътирозҳову раҳпаймоиҳо аз он ҷо шурӯъ шуд,... Читать дальше...
Мақомоти Қирғизистон гуфтанд, ки шумори қурбониёни муноқишаи марзӣ бо Тоҷикистон дар ин кишвар то 62 нафар афзудааст. Дар ин бора рӯзи 24-уми сентябр Вазорати беҳдошти Қирғизистон хабар додааст. Мақомоти Тоҷикистон дар бораи кушта шудани 41 нафар гузориш дода, рӯйхати пурраи қурбониёнро надоданд. Вале Радиои Озодӣ бо истифода аз манобеи худ, хешовандон, шабакаҳои иҷтимоӣ ва мақомоти маҳаллӣ то ин дам номи 70 нафареро гирд овард, ки ҳангоми даргириҳои мусаллаҳонаи 14-17-уми сентябр дар сарҳади Тоҷикистон бо Қирғизистон кушта шудаанд. Читать дальше...
Дар муқобили мавҷи эътирозҳои мардумие, ки баъди даргузашти хушунатбори духтари 22-солаи эроние дар полис барои гӯё ҳиҷоби нодуруст буруз кард, ҳукумат раҳпаймоиҳои тарафдорони низомро дар шаҳру манотиқи Эрон ташкил кард. Хабаргузории давлатии ИРНА гуфт, ки мардуми рӯзи 23-юми сентябр ба хиёбонҳо баромада зидди “таҳқири Қуръон, оташ задани масҷидҳо ва ҳам вайрон кардани қоидаи пӯшидани либоси исломӣ” шиор мезананд. Ин нафарон эътирозгарони зиддидавлатиро чун “сарбозони Исроил” маҳкум карданд. Онҳо... Читать дальше...
Мавзӯи муноқишаи ахир дар марзи Тоҷикистону Қирғизистон, ки ҷони беш аз сад нафарро аз ҳарду тараф гирифту даҳҳо нафари дигарро маҷрӯҳ ва бесарпаноҳ гузошт, дар мулоқоти сегонаи вазирони корҳои хориҷии ин кишварҳо ва муовини дабири кулли СММ оид ба масоили сиёсӣ баррасӣ шудааст. Вазоратҳои корҳои хориҷии Тоҷикистон ва Қирғизистон дар хабарҳои мухтасаре, ки 24-уми сентябр нашр карданд, гуфтанд, ки мулоқоти вазирони корҳои хориҷии Тоҷикистону Қирғизистон - Сироҷиддин Муҳриддин ва Ҷеенбек Кулубаев бо Розмари Анн ДиКарло... Читать дальше...
Тимур Тимерханов, як рӯзноманигор ва расонашиноси тоҷикро иҷозат надоданд, ки ба Қирғизистон ворид шавад. Тимерханов мегӯяд, шаҳрвандии Тоҷикистон ва Русияро дорад ва 21 сентябр бо шиносномаи русӣ аз Санкт-Петербург ба Бишкек сафар карда буд. Тимур Тимерханов ба хабаргузории “Азия-Плюс” гуфтааст, ба хотири онки дар шиносномаи русиаш ҷойи таваллуд Тоҷикистон нишон дода шудааст, ба ӯ иҷозаи вуруд ба Қирғизистонро надоданд. “Вақте диданд, ки дар шиносномаи зодгоҳи ман Тоҷикистон навишта шудааст, дарҳол пурсиданд, ки "оё душаҳрвандӣ дорам"? Читать дальше...
Аҳмадҷон Ҳасанов, сокини сесолаи деҳаи Лангари Чоркӯҳ, бино бар маълумоти умумии то ҳоло дастрасшуда, хурдсолтарин қурбонии ҳодиса марзӣ буда метавонад.
Инъикоси муноқиша дар марзи Тоҷикистону Қирғизистон дубора мавзуи сустию тавоноӣ ва риояи меъёрҳои касбиро дар кори расонаҳои ду кишвар ба намоиш гузошт.
Пас аз як ҳафтаи муноқишаи хунин дар марзи Тоҷикистону Қирғизистон, мақомот барои оилаҳои зарардида аз Душанбе кӯмак фиристодаанд. Ба гуфтаи мақомот, корвони кӯмакҳо бо дастури раиси ҷумҳур Эмомалӣ Раҳмон ба чанд минтақаи марзӣ расид ва мардум тасмим доранд, ба сохтмони хонаҳояшон шурӯъ кунанд.
Пас аз як ҳафтаи муноқишаи хунин дар марзи Тоҷикистону Қирғизистон, мақомот барои оилаҳои зарардида аз Душанбе кӯмак фиристодаанд. Хабарнигори Радиои Озодӣ аз Исфара гузориш медиҳад.