Бо идомаи тирандозиҳои пароканда дар марзи Тоҷикистону Қирғизистон, мақомоти Душанбе гуфтанд, дар натиҷаи ҳамлаи нерӯҳои кишвари ҳамсоя ба ноҳияи Лахш (Ҷиргатол) 4 сокини ноҳия захмӣ шуданд.
Манобеи огоҳ дар ҳукумати Тоҷикистон ба Радиои Озодӣ гуфтанд, дар ҷараёни муноқишаи рӯзҳои 14-16 сентябр дар марз, 39 шаҳрванди Тоҷикистон кушта шудааст. Ин омор низомиён ва ҳам ғайринизомиёнро фаро мегирад. Дар миёни кушташудаҳо аз Тоҷикистон кӯдакон ва занони ҳомиладор ҳам ҳастанд.
Президенти Қазоқистон Қосимҷомарт Тоқаев рӯзи 17-уми сентябр қонунеро имзо кард, ки бар асоси он мӯҳлати раёсатҷумҳурӣ дар ин кишвар аз ду давраи панҷсола ба як давраи ҳафтсола ва исми Нурсултон дубора ба Остона иваз хоҳад шуд.
16-уми сентябри соли 1997 пас аз поёни расмии ҷанги дохилии Тоҷикистон Комиссияи оштии миллӣ ба кори худ шурӯъ кард, ки вазифааш амалӣ кардани Созишномаи истиқрори сулҳ ва ваҳдати миллӣ буд.
Қирғизистон дар вилояти Ботканди ҳаммарз бо Тоҷикистон вазъияти фавқулода ҷорӣ кард. Дар хабари Вазорати ҳолатҳои фавқуллодаи Қирғизистон омадааст, ҳадаф аз ҷорӣ кардани ҳолати изтирорӣ “таъмини амнияти шаҳрвандон дар маконҳои муноқиша, анҷом додани корҳо оид ба кӯчондани аҳолӣ, пешгирии маргу мир ва сафарбар намудани нерӯҳои дахлдор” аст.” Мақомоти қирғиз гуфтанд, ду рӯзи ахир ҳазорҳо нафарро ба ҷойи амн кӯчондаанд. Дар бораи кӯчондани сокинони минтақаҳои наздимарзии Тоҷикистон расман хабар дода намешавад. Читать дальше...
Созмони ҷаҳонии тандурустии (СҶТ) вобаста ба СММ мегӯяд, Тоҷикистон тавонист фалаҷи атфолро решакан кунад ва воксинаҳои бо ёрии донорҳои байналмилалӣ ба ин кишвар ҳам бурдашуда дар анҷоми маъракаи эмгузаронӣ мусоидат кардааст. СҶТ рӯзи 16-уми сентябр навишт, ки моҳи июн Тоҷикистон дар қатори 20 кишвари дигаре, ки дар он ҷо ҳодисаҳои фалаҷи атфол ошкор шудааст, дар ҳаҷми 370 миллион воя воксинаи зидди полиомиелитро дарёфт кард ва маъракаи эмкунии кӯдаконро барпо намуд. СҶТ мегӯяд, пандемияи... Читать дальше...
Кумитаи байалмилалии Салиби Сурх аз Тоҷикистону Қирғизистон тақозо кардааст, ки ба талафоти аҳолии мулкӣ роҳ надиҳанд ва миёни низомиёну сокинони мулкӣ тавофут гузоранд.
Мақомоти тоҷику қирғиз мегӯянд, бо вуҷуди оташбас тирпарронӣ дар чанд нуқтаҳои марзӣ ҳамоно идома дорад. Неруҳои марзбонии Тоҷикистон гуфт, низомиёни қирғиз ба чанд дидбонгоҳи марзӣ дар шаҳри Исфара ва ноҳияи Лахш ҳамла кардаанд.
Рӯзи 16-уми сентябр дар шаҳри Самарқанди Узбекистон ҷаласаи ҷаласаи сарони кишварҳои узви Созмони ҳамкориҳои Шонгҳой анҷом ёфт ва дар поёни он даҳҳо санад имзо шуд.
Мақомоти Тоҷикистон ҳамлаи бесарнишинҳо ба масҷиди ҷамоати Овчӣ-Қалъачаи ноҳияи Бобоҷон Ғафуровро тасдиқ карда, аммо нагуфтанд, ки дар ин ҳодиса чанд нафар ба ҳалокат расидааст. Вазорати корҳои дохилии Тоҷикистон дар як хабарномаи расмӣ гуфт, ҳамлаи бесарнишинҳо ба масҷиди Овчӣ-Қалъача соати 17:20 дақиқаи 16 сентябр рух дод. Мақомоти тоҷик, низомиёни қирғизҳо ба ҳамла ба масҷид гунаҳкор мекунанд, аммо ҷониби Қирғизистон дар ин бора чизе нагуфтааст. Масъулини Вазорати корҳои дохилии Тоҷикистон гуфтанд... Читать дальше...
Марги духтари 22-солаи эронӣ се рӯз баъди он ки аз ҷониби полиси ахлоқи Эрон гӯё барои вайрон кардани қоидаи пӯшидани ҳиҷоб боздошт шуд, дар дохилу хориҷи ин кишвар вокунишҳои сангине ба бор овард. Манбаъҳо ба Радио Фардо гуфтанд, ки табибон рӯзи 16-уми сентябр гуфтанд, ки Маҳсо Аминӣ баъди ҳолати кома дигар ба худ наомад ва даргузашт. Шоҳидон ба хабарнигорони маҳаллӣ дар Эрон гуфтанд, ки вақте Аминиро дар кӯча полис боздошт мекард, дар дохили мошин ӯро шадидан латукӯб карда баъдан ба боздоштгоҳ бурд. Читать дальше...
Президенти ИМА Ҷо Байден бо аъзои оилаҳои ситораи баскетбол Бритни Грайнер ва ҳам як амрикоии дигар Пол Вилан мулоқот кард ва ин аввалин чунин мулоқоти рӯбарӯи ӯ бо наздикони ҳамватанони зиндониаш дар Русия буд. Аз оилаи Вилан хоҳараш Элизабет Вилан омада буд ва Грайнерро ҳамсараш Шерил Грайнер намояндагӣ кард. Дар изҳороте, ки Кохи Сафед баъди анҷоми ин мулоқот нашр кард, гуфта мешавад, ки Байден ба онҳо таъкид кардааст, ки тамоми талошашро барои бозгашти амни онҳо ба ватан ба харҷ хоҳад дод. Читать дальше...
Мақомоти Тоҷикистон ва Қирғизистон мегӯянд, шаби гузашта нисбатан ором буд, аммо рӯйдодҳои нигаронкунанда низ ба мушоҳида расидаанд.
Дастаи мунтахаби ҷавонони то 20-солаи футболи Тоҷикистон дар бозии дувумаш дар марҳилаи интихобии Ҷоми Осиё-2023 дар гурӯҳи «I» тими Лубнонро бо ҳисоби бузурги 4:0 мағлуб кард.
Вазорати тандурустии Қирғизистон эълон кард, ки дар задухӯрди 16-уми сентябр дар марзи ин кишвар бо Тоҷикистон 24 нафар кушта, 87 кас маҷруҳ шудаанд.