Рӯзи 13-уми январ созмони бонуфузи ҳомии ҳуқуқи инсон Human Rights Watch гузориши солона оид ба вазъи озодиҳо дар 100 кишвари ҷаҳонро муаррифӣ кард. Бахши муҳими он доир ба вазъи Амрико дар давраи пеш ва баъди раёсатҷумҳурии Доналд Трамп ихтисос ёфтааст.
Пайвандони Дона Набиев пирамарди 80-солаи маҳкумшуда ба зиндон ба Додгоҳи олӣ барои “шартан татбиқ накардани ҷазо” ариза доданд. Наздикон мегӯянд, Дона Набиев бемории сил дошт ва вазъаш дар боздоштгоҳи муваққатӣ бад шудааст.
Чанд соли пеш бинобар шикояти мардуми деҳаи Рӯмон насби мавҷпарокани ширкати мобилӣ дар маҳалли зист мутавақиф шуда буд. Вале баъди дарёфти иҷозатнома мавҷпарокан дар деҳа гузошта шуд ва норозигии сокинонро ба миён овард. Фарзон Муҳаммадӣ дар ин бора гузориш дорад.
Асомиддин Набиев, бародарзодаи Дона Набиев, мӯйсафеди 80-сола, ки ба ҳафт соли зиндон маҳкум шудааст гуфт, ҳукми додгоҳ онҳоро “ҳайратзада кардааст.” Дона Набиев моҳи августи соли гузашта боздошт шуд ва додгоҳ ӯро ба ҳафт соли зиндон маҳкум кард.
Ҳоло барои гарм кардани хона мардуми деҳот аксаран аз ҳезум истифода мекунанд ва зоҳиран, захираҳо ба поён расида, сабаби табар задан ба дарахтон мешавад. Мақомоти вилояти Хатлон аллакай чандин нафарро барои дарахтбурӣ ҷарима бастаанд.
Ҳавои Тоҷикистон сар аз соли нав "сармои сибирӣ" ном гирифт, чун масири сиклон ё маҷрои боди сард аз Урал ва Сибир ба ин ҷо расид. Гузориши Барот Юсуфӣ ва Искандар Фирӯз.
Маҷлиси намояндагони Амрико, ки раиси ҷумҳур Доналд Трампро ба барангехтани ба ҳуҷум ба бинои Конгресс муттаҳам медонад, барои эълони нобоварӣ ба ӯ дар рӯзи 13-уми январ омодагӣ мегирад.
Паҳлавони тоҷик Темур Раҳимов дар мусобиқаи устодони ҷаҳонии ҷудо (World Judo Masters), ки дар шаҳри Доҳаи Қатар ҷараён дорад, дар рақобатҳо дар вазни беш аз 100 кило барои медали биринҷӣ мубориза хоҳад бурд.
Юри Ратас, нахуствазири Эстония ва раҳбари ҳизби Марказгаро дар пасманзари моҷарои марбут ба фасод ба истеъфо рафт. Ратас дар саҳифаи фейсбукии худ навишт, ки аз мақом канор рафтани ӯ на ба хотири он аст, ки “касе ҳатмат гунаҳгор аст”, балки, ба гуфтааш, ба хотири он аст, ки тамоми моҷаро мӯшикофона таҳқиқ шавад. Рӯзи 12-уми январ полиси амнияти Эстония раиси кулли ҳизби Марказгаро Михаил Корб, мушовири вазири молия Керсти Крах, соҳибкор Ҳиллар Тедер ва боз ду нафари дигарро гумонбар дар содир кардани ҷиноят номид. Читать дальше...
Як мақоми тоҷик гуфт, умедвор аст, ба Тоҷикистон воксинаи зидди коронавируси тасдиқшуда аз ҷониби Созмони ҷаҳонии тандурустӣ ворид мешавад. Наврӯз Ҷаъфаров, сардори раёсати амнияти санитариву эпидемиологии вазорати тандурустӣ дар сӯҳбат бо оҷонсии ТАСС гуфтааст, чунин умедворӣ ба хотири узви барномаи COVAX будани Тоҷикистон вуҷуд дорад. Барномаи мазкур, ки зери назари СҶТ аст, 92 кишварро фаро мегирад ва ин кишварҳо умед доранд, ки бо ёрии ин созмон аҳолии худро бо воксина таъмин хоҳанд кард. Ҷаъфаров гуфтааст... Читать дальше...
Дар ИМА бо қарори мақомоти федеролӣ аввалин бор дар муддати қариб 70 соли охир ҳукми қатли як зани гунаҳгоршуда дар ҷинояти сангин ба иҷро даромад. Рӯзи 13-уми январ ба бадани Лиза Монтгомерии 52-сола дар зиндони аёлати Индиана аз роҳи сӯзандору маҳлули кушандаро ворид карданд. Талошҳои вакили дифояш барои пешгирӣ аз ин қарор бо баҳонаи ин ки ин зан муддати тӯлонӣ мавриди озори ҷинсӣ қарор гирифта, мушкилоти равонӣ доштааст, нодида гирифта шуд. Лиза Монтгомери соли 2007 ба ҳукми қатл маҳкум шуд. Читать дальше...
Дар ИМА, ки шумори марги инсонҳо бар асари COVID-19 рӯзона то 4,5 ҳазор нафар афзудааст, тасмим гирифтанд, ки маъракаи эмкунӣ суръат бахшида мешавад ва тақрибан тамоми мусофирони воридшаванда ба ин кишвар бояд тести манфӣ дар даст дошта бошанд. Баъди интиқодҳо аз суръати сусти эмкунӣ, маъмурияти Трамп эълон кард, ки барои сокинони 65-сола боло воксина дастрас мешавад. Пеш аз ин ҳар аёлат қоидаҳои печидаи худро дар бораи афроди дорои ҳақи гирифтани воксина дар навбати аввал доштанд. Ҳукумати федеролӣ инчунин тамоми захираҳои воксинаҳоеро... Читать дальше...
45 ҳазор сокини Беларус як муроҷиатномаи интернетӣ имзо карда, хостори бекор кардани нақшаи баргузории мусобиқаҳои қаҳрамонии ҷаҳонии ҳоккей дар шаҳри Минск шуданд. Далели онҳо – саркӯби хушунатомези эътирозгарони Александр Лукашенко ва ҳам тақаллуб шудани интихоботи президентии августи соли 2020 аст. Қарор аст моҳҳои май ва июн Латвия ва Беларус мизбони мусобиқаи қаҳрамонии ҷаҳонии ҳоккеи рӯи яхи соли 2021 шаванд. Вале Ригаву дигар пойтахтҳои Иттиҳоди Аврупо аз Федератсияи байналмилалии ҳоккей тақозо кардаанд... Читать дальше...
Раҳбарони Молдова ва Украина аз таҷдиди ҳамкориҳо хабар доданд. Ду ҳамсояи наздик, ки стратегияи рӯ ба Иттиҳоди Аврупоро пеш гирифтаанд, айни замон аз мушкили баҳсҳои ҳудудӣ бо нирӯҳои рӯ ба Русия азият мешаванд. Раҳбари Молдова рӯзи 12-уми январ дар Киев бо президенти Украина Владимир Зеленский мулоқот кард ва ин аввалин сафари хориҷии Майа Санду дар мақоми раиси ҷумҳурии Молдова буд. Санду дар интихоботи моҳи декабр бар президент ва номзади рӯ ба Русия Игор Додон пирӯз шуд. Санду бо ваъдаҳои мубориза бо коррупсия сари кор омадааст. Читать дальше...
Алексей Навалний, як мунаққиди шадидлаҳни Кремл, ки ҳоло дар Олмон бо табобати баъди заҳролудшавӣ машғул аст, дар Твиттер хабар дод, ки ният дорад рӯзи 17-уми январ ба Русия баргардад. Навалний моҳи августи соли 2020 баъди он ки дар ҳавопаймои Русия заҳролуд шуд, барои наҷоти ҷонаш ба беморхонаи Берлин фиристода шуд. Санҷишҳои лаборатории анҷомшуда дар Олмон, Фаронса ва Шведсия тасдиқ карданд, ки Навалний бо заҳри низомии навъи “Новичок” заҳролуд шуд. Ин хулосаро Созмони байналмилалии манъи силоҳҳои кимиёӣ содир кард. Читать дальше...
Маҷлиси намояндагон рӯзи 13-уми январ ҷараёни импичмент ё эълони нобоварӣ ба президенти ИМА Доналд Трампро шурӯъ мекунад. Трампро барои нақшаш дар таҳрики издиҳоми мардум ба ҳамла ба бинои Конгресс муттаҳам мекунанд. Ин қазия боиси эҷоди бӯҳрони сиёсӣ дар ҳизби Ҷумҳурихоҳ шудааст. Муовини президент Майк Пенс рӯзи 12-уми январ гуфт, ки банди 25-уми Конститутсияи Амрикоро, ки барканории президентро дар назар мегирад, иҷро нахоҳад кард. Ин изҳорот каме пештар аз он садо дод, ки маҷлиси намояндагони зери назари демократҳо аз ҳукумат тақозо кард... Читать дальше...
Сокинони шаш бино дар Душанбе мегӯянд, мақомот се сол аст ба шикояти онҳо дар бораи интиқоли оби гарм ба манзилашон гӯш намедиҳанд.
Ҷасади муҳоҷири 21-солаи тоҷикро, ки дар сӯхторе дар Русия фавтид, шоми имрӯз ба Тоҷикистон меоранд. Шуҳрат Cулаймонов, сокини шаҳри Исфараи вилояти Суғд , ки дар шаҳри Ростов лаби Дон, дар як нуқтаи омода кардани хӯрокҳои зудтайёр кор мекард, бар асари сӯхтор дар ҷойи кораш ҷон дод. Ба гуфтаи муҳоҷирон ва дӯстони Шуҳрат, ҳодиса шаби 6-ум ба 7-уми январ рух додааст. Дар ин сӯхтор як муҳоҷири дигари тоҷик, ки низ бо Шуҳрат якҷо дар "Шаурмахона" кор мекардааст, осеби ҷиддӣ дида, дар бемористон бистарӣ аст. Читать дальше...
Додгоҳи ноҳияи Синои пойтахт як сокини 25-солаи шаҳри Турсунзодаро барои вайрон кардани бакорати ҷияни хурдсолаш ба 11-уним соли зиндон маҳкум кард. Мақомот гуфтанд, Одина Ҳайдарова ба хотири бадном кардани модари духтарча бо сабзӣ бакорати ӯро вайрон кардааст.
Дар вилояти Лебапи Туркманистон мансабдорон, кормандони муассисаҳои буҷавӣ ва хонандагон вазифадор карда шуданд, ки бо худ шарбати решаи ширинбия гардонанд. Ба иттилои бахши туркмании Радиои Озодӣ, ин шарбат дар доруқуттии ҳамаи кормандони муасссисаҳои давлатӣ ё хонандагони мактабҳои миёна бояд бошад. Ба гуфтаи хабарнигори бахши туркмании Радиои Озодӣ, дар ноҳияи Фороби Лебап кормандони муассисаҳои давлатӣ огаҳ карда шудаанд, ки бидуни ин гуна доруқуттӣ ба коргоҳ роҳ дода намешаванд. Хонандагони мактабҳои Фороб низ вазифадор шудаанд... Читать дальше...
Ҳизби ҳокими "Нур Отан"-и Қазоқистон дар рӯйхати номзадҳои худ ба мақоми вакилии Маҷлис, палатаи поёнии порлумон номи Дариға Назарбоева, духтари президенти нахустини Қазоқистон Нурсултон Назарбоевро низ пешниҳод кардааст. Ба ҷуз ин, раиси кунунии порлумони Қазоқистон Нурлан Нигматулин ва сарвазири он кишвар Аскар Мамин низ дар рӯйхати номзадҳои ҳизби "Нур Отан" шомил шудаанд. Дариға Назарбоева 57-сола то моҳи майи соли гузашта раиси сенат, палатаи болоии порлумони Қазоқистон буд. Дертар ваколати... Читать дальше...
Дар Узбекистон аз ҳар 100 ҳазор нафар 68 кас дар зиндон ё дигар муассисаҳои ислоҳӣ адои ҷазо мекунанд. Дар ин бора рӯзи 11-уми январ дар ҷаласаи Кумита порлумони Узбекистон дар умури дифоъ ва амният хабар дода шуд. Бино ба иттилои расмӣ, дар ин кишвар 18 зиндони дорои низоми сахт, 25 муассисаи ислоҳӣ ва 11 боздоштгоҳи муваққатӣ фаъолият мекунад. Бар пояи омори Вазорати умури дохилии Узбекистон, дар зиндонҳои он кишвар беш аз 22 ҳазор зиндонӣ нигаҳдорӣ мешавад. Беш аз 14 ҳазори онҳо дар зиндонҳои низомашон сахт адои ҷазо мекунанд. Читать дальше...
Абдукарим Мирзоев, рӯзноманигор ва коргардони узбекистонӣ, ки аз сӯи пулиси Туркия боздошт шуда буд, рӯзи 12-уми январ аз Маркази ихроҷи шаҳрвандони хориҷии Хадамоти муҳоҷирати Истанбул раҳо карда шуд. "Ҳоло Абдукарим Мирзоев дар манзилаш, ҳамроҳ бо хонаводааш аст. Дар фурсатҳои наздик вай ният дорад, моҷароро нақл кунад", - хабар дод телевизиони онлайнии RegistonTV. Иттилоъ дар бораи боздошти Абдукарим Мирзоев ҳанӯз 11-уми декабри соли 2020 расонаӣ шуда буд. Додситонии кулли Узбекистон гуфт... Читать дальше...
Вазорати молияи Қирғизистон хабар дод, ки қарзи давлатии ин кишвар то санаи 30-уми ноябри соли 2020 ба 4 млрд 887 млн 46 ҳазор доллар расидааст. Дар давоми як сол ин қарз 383 млн 980 ҳазор доллар афзудааст. Қарзи хориҷӣ 86,3 дарсад ё 4 млрд 218 млн 38 ҳазор доллар ва қарзи дохилӣ 13,7 дарсад ё 669 млн долларро ташкил медиҳад. Бузургтарин қарздиҳандаи Қирғизистон Бонки содиротиву воридотии Чин аст, ки ба Қирғизистон 1 млрд 782 млн 37 ҳазор доллар қарз додааст.