Një arritje e madhe dhe një ëndërr e realizuar ishte për Marigonën (identiteti i vërtetë i të cilës është i njohur për redaksinë) dita kur nisi punën e parë të saj në fushën e inxhinierisë. Asaj i ra të punojë në zyrë dhe terren me shumë kolegë burra, në një fushë që numëron pak të punësuara gra. Shumë shpejt, kjo punëtore thotë se nisi të mos ndihet rehat brenda vendit të punës për shkak të komenteve të vazhdueshme që i bëheshin në lidhje me dukjen e saj. “Ndër ngjarjet më të rënda ka qenë... Читать дальше...
Afaristët në Maqedoninë e Veriut thonë se gjithnjë e më shumë po e ndjejnë presionin e rritjes së çmimeve të energjisë elektrike dhe të karburanteve, prandaj ata kërkojnë që autoritetet t’u ofrojnë lehtësira tatimore. Sipas të dhënave të Entit Shtetëror të Statistikave, në periudhën janar-shtator të këtij viti, çmimet me pakicë janë rritur për 3.7 për qind krahasuar me periudhën e njëjtë të vitit 2020, ndërkaq kostoja e jetesës është rritur për 2.8 për qind, duke paraqitur inflacion në këtë shkallë. Читать дальше...
Që nga viti 2009, Bashkësia Islame në Bosnje dhe Hercegovinë po pret që të nënshkruajë një marrëveshje me shtetin. Kjo çështje ka ngecur në Presidencën trepalëshe të Bosnje dhe Hercegovinës. Ajo vihet në rend dite në mënyrë periodike, mirëpo ende nuk ka rritur të marrë dritën e gjelbër. Edhe më 18 tetor të këtij viti, kjo çështje ishte në rend dite të mbledhjes së Presidencës së këtij vendi, por anëtarët e saj nuk arritën pajtim për shkak të kundërshtimit të anëtarit, Millorad Dodik. Përveç rregullimit të çështjeve ligjore dhe fetare... Читать дальше...
Një udhëheqës politik etnik Hazara dhe ish-anëtar i Parlamentit të Afganistanit tha se trupat e tetë fëmijëve jetimë, që vdiqën nga uria, u gjetën në pjesën perëndimore të Kabulit. Në një deklaratë të postuar në Facebook, Mohammad Mohaqiq tha se fëmijët vdiqën rreth tri javë më parë në një lagje në qarkun e 13-të të Kabulit. Ai tha se ata ishin varrosur nga një mullah lokal dhe banorët e lagjes, ku u gjetën trupat e tyre. Një mullah lokal, Mohammad Ali Bamian dha më shumë detaje lidhur me vdekjen e fëmijëve. Читать дальше...
Ministria e Shëndetësisë, njoftoi të dielën se ka regjistruar 13 raste të reja me koronavirus. Rastet e reja dolën pas testimit të 2,283 mostrave. Prej kësaj shifre, i bie që 0.55 për qind e personave të testuar, kanë dalë pozitivë me sëmundjen COVID-19. Në 24 orëshin paraprak, sipas autoriteve nuk është regjistruar asnjë viktimë me koronavirus. Sipas MSH-së, në 24 orët paraprake janë shëruar edhe 21 pacientë, ndërkaq raste aktive me koronavirus janë 456. Në Kosovë, të shtunën më 23 tetor... Читать дальше...
Kryeministrja e Serbisë, Ana Bërnabiq deklaroi se ka pasur një plan për vrasjen e presidentit të këtij shteti, Aleksandar Vuçiq. Siç tha Bërbaniq, vrasja ishte planifikuar të ndodhte gjatë zbulimit të monumentit të Stefan Nemanjës, që u bë më 27 janar të këtij viti në Beograd. “(Vrasja) Është planifikuar prej kohësh dhe në detaje. Janë formuar struktura paralele në Ministrinë e Brendshme (MPB) dhe janë bërë fushata në mediat e manjatëve, që janë transmetuar edhe në mediat në rajon për dehumanizimin e Vuçiqit... Читать дальше...
Për të tretën herë me radhë, delegacionit të përfaqësueses së Kosovës në boks, i është ndaluar hyrja në territorin e Serbisë. Ata ishin nisur drejt Beogradit për të marrë pjesë në Kampionatin Botëror të Boksit, në kategorinë e meshkujve, që zhvillohet në kryeqytetin serb nga 24 tetori deri më 6 nëntor. Besim Brahimi, selektor i Federatës së Boksit të Kosovës, tha për Radion Evropa e Lirë, se të dielën, më 24 tetor, autoritetet kufitare serbe, në pikëkalimin kufitar në Merdare, ua ndaluan përfaqësuesve të Kosovës. Читать дальше...
Trafikanti më i kërkuar i drogës në Kolumbi dhe udhëheqësi i bandës më të madhe kriminale në këtë shtet është arrestuar. Dairo Antonio Úsuga, i njohur si Otoniel, është kapur të shtunën gjatë një operacioni të përbashkët të ushtrisë, forcave ajrore dhe policisë. Qeveria kishte ofruar 800,000 dollarë shpërblim për informacionet rreth vendndodhjes së tij, ndërkaq Shtetet e Bashkuara kishin ofruar pesë milionë dollarë për kokën e tij. Presidenti i Kolumbisë, Iván Duque përmes një mesazhi televiziv lavdëroi autoritetet për kapjen e Otonielit.
Në kohën kur varianti Delta ka dalë jashtë kontrollit në Armeni, njësitë e kujdesit intensiv në kryeqytet, Jerevan, janë pothuajse plotësisht të zëna me pacientë me COVID-19. Por, shumë njerëz në vend vazhdojnë të kenë më shumë frikë nga efektet e vaksinimit sesa nga ndikimi i sëmundjes. Në një qendër të kujdesit intensiv, disa skeptikë të vaksinave që morën virusin, i paralajmëruan të tjerët që ta merrnin seriozisht COVID-19 dhe t’i merrnin vaksinat. (Përgatiti: Bujar Tërstena)
Komisioni Qendror i Zgjedhjeve (KQZ) njoftoi se në Qendrën e Numërimit dhe Rezultateve (QNR) ka nisur numërimi i votave me postë të ardhura nga qytetarët që jetojnë jashtë Kosovës, për zgjedhjet komunale të mbajtura më 17 tetor. Zëdhënësi i KQZ-së, Valmir Elezi në një konferencë për media, të dielën më 24 tetor, tha se numërimi i këtyre votave do përfundojë gjatë ditës së sotme. Kurse, të hënën do të nisë numërimi i votave me kusht. KQZ-ja ka njoftuar se ka miratuar 10,934 vota të ardhura me postë... Читать дальше...
Britania ka regjistruar këtë javë numrin më të lartë të rasteve të reja me COVID-19 që prej korrikut, thuhet në të dhënat e qeverisë. Në Britani 333,465 persona kanë rezultuar pozitivë gjatë shtatë ditëve të fundit, apo rreth 15 për qind më shumë se javën paraprake. Ky është numri më i lartë i rasteve të reja brenda një jave që prej 21 korrikut. Po ashtu, në shtatë ditëshin e fundit, vdekjet janë rritur për 12 për qind, duke e çuar në 139,878 numrin e rasteve me fatalitet që prej nisjes së pandemisë. Читать дальше...
Një diplomat i lartë amerikan i bëri thirrje Koresë së Veriut që t’i japë fund një serie testimesh të raketave që ka kryer së fundmi dhe t’i kthehet bisedimeve, pas një takimi që ai pati me zyrtarët jugkoreanë në Seul. “Ne i bëjmë thirrje Koresë së Veriut që të ndalojë këto provokime dhe aktivitetet e tjera destabilizuese dhe të angazhohet në dialog”, tha Sung Kim, zyrtari kryesor amerikan për çështjet e Koresë së Veriut. Ai ritheksoi se Shtetet e Bashkuara “janë të gatshme të takohen me Korenë... Читать дальше...
Sejlan Pasuli, [60 vjeçe] ka arritur që ta mposhtë sëmundjen e kancerit në gji, por ajo tash po e ka të vështirë të mbijetojë nga kushtet e vështira socio-ekonomike, me të cilat është përballur pas diagnostikimit me kancer. Në një banesë prej 60 metrash katrorë në Prizren, jeton me vajzën e saj 20-vjeçare, Andrrën. Të ardhura të vetme që ato kanë, janë nga ndihma sociale në vlerë 100 euro. "Për barna shpenzoj mbi 30 euro në muaj, plus udhëtimin që vij për kontrolle në Prishtinë. Jetoj edhe me ndihma që m’i japin të afërmit", thotë ajo.
