USAs noverande president, Joe Biden, får dårlege skussmål frå fleire ekspertar etter nattas debatt.
– Det var vondare enn forventa, og eg hadde ganske lave forventningar, seier Gjermund Stenberg Eriksen, som er USA-kjennar og manusforfattar.
Kommentator i Vårt Land og amerikanskpolitikk.no, Sigrid Rege Gårdsvoll, seier Biden framsto gammal, og langt eldre enn sin tre år yngre motdebattant, Donald Trump.
– Han framstår akkurat som det han ikkje burde; ein gammal mann som rotar, seier ho.
Eriksen seier det er menneskeleg å miste tråden, eller å rote, men at presidenten også hadde dårlege inngongar.
– I debatt må du reagere på motstandaren sine ord. Han var for svak i korleis han gjekk fram og bragte ordet vidare.
