Verdscupopninga i alpint i Sölden i oktober har blitt framskutt i ei veke for å sørge for at alpinistane har breen for seg sjølve, utan å måtte menge seg med turistar, skriv NTB. – Renna vil bli avvikla utan mange tilskodarar for å sikre optimalt smittevern, skriv Austerrike sitt skiforbund i ei pressemelding. Det er framleis stor usikkerheit til korleis komande verdscupsesong vil bli. Reiserestriksjonar kan skape store problem for avvikling av renn både i Europa, Nord-Amerika og Kina.