Преку Тбилиси во Атина, пристигнаа 269 авганистански државјани, мнозинството од нив судии, додека пак со втор авион во текот на ноќта требаше да пристигнат уште 98, соопштија од Министерството за мигрција и азил на Грција.
Триесет и пет Авганистанци кои времено престојуваа во земјава заминаа во Грција
Откако талибанците го презедоа Авганистан, ова е првпат во Грција да стигне голем број авганистански државјани, со оглед на тоа дека досега во неколку наврати во Атина пристигнуваа или по неколку лица или не повеќе од 30 Авганистанци, јавува новинската агенција МИА.
Осум сирачиња умреле од глад во Кабул
Од надлежното Министерство соопштуваат дека авганистанските државјани ќе бидат привремено сместени во Грција, а нивното пристигнување е „во рамките на обврските преземени од земјата и други членки на ЕУ за хуманитарна помош на жителите на Авганистан кои се во опасност“.
Министерството за надворешни работи на Грција, преку социјалната мрежа „Твитер“ соопштија дека од Авганистан биле евакуирани 18 авганистански државјани, кои се од грчки интерес, а во Атина пристигнале преку Тбилиси.
