Неколку членови на владата на Судан се приведени, откако војници извршија воен удар во земјата. Здружените воени сили рано утрово приведоа цивилни членови на преодното владејачко тело на Судан и неколку членови на преодната влада, соопшти Министерството за информации.
„Цивилни членови на преодниот суверен совет и голем број министри од преодната влада се приведени од здружени воени сили. Тие се одведени на неидетификувана локалција“, се вели во соопштението на Министерството на социјалната мрежа Фејсбук.
Меѓу приведените е премиерот Абдала Хамдок и најмалку четворица министри кои според соопштението се приведени од неидентификувани војници.
Војската на Судан го опколи комплексот на премиерот, апси членови на кабинетот
Војската досега не излезе со коментари во јавноста за случувањата.
Воени и паравоени сили се распоредени низ главниот град Картум, ограничувајќи ги движењата на цивилите, додека демонстрантите кои го носеа националното знаме палеа гуми во различни области на градот, објави новинската агенција Ројтерс.
Во етнички судир во Судан убиени 83 лица
Аеродромот во Картум е затворен, а меѓународните летови се суспендирани, јавува ТВ каналот Ал Арабија со седиште во Дубаи.
Постигнат историски мировен договор во Судан
Телевизијата Ал Хадат извести изутрината дека Хамдок е ставен во домашен притвор и дека се уапсени неколку членови на кабинетот и близок соработник на Хамдок. Здружението на судански професионалци ги повика граѓаните да излезат на улиците за да „се спротивстават“ на секој воен удар против Суверениот совет на земјата, поддржан од Западот.
Владата во Картум, која бара подобри врски со САД и Западот по речиси три децении меѓународна изолација, се соочува со огромни економски и безбедносни предизвици кои се закануваат да ја попречат нејзината транзиција.