Хашкиот судија Николас Гију го отфрли барањето на одбраната на некогашниот лидер на ОВК, Кадри Весели за негово времено ослободување, јавија косовски медиуми. Судијата смета дека Весели доколку биде ослободен би можел да се обиде да врши опструкција на правдата и да ги заплашува сведоците.
Главниот обвинител Џек Смит претходно наведе зошто треба да се одбие барањето на адвокатот на Весели, Бен Емерсон, со констатација дека за извршените дела му се заканува казна доживотен затвор. Обвинителството, како што наведе Смит, затоа смета дека Весели треба да остане во притвор.
Тачи и уште тројца членови на ОВК остануваат во притвор во Хаг
Истовремено, одбиено е и барањето на одбраната за одржување рочиште за усмено излагање за споменатото барање. Весели е обвинет за воени злосторства и злосторства против човештвото, вклучувајќи убиства и тортура.