Германската канцеларка Ангела Меркел ги отфрли наводите дека може да побара петти мандат како шеф на владата, односно дека се премислила во врска со ветувањето оти ќе замине од политика кога ќе и истече мандатот на нејзината сегашна влада. Анкетите покажуваат дека поддршката за нејзиниот централно-десен блок расте од почетокот на пандемијата на коронавирусот, откако, како што беше проценето, добро одговори на здравствената криза.
Лејен и Меркел со обраќања за економското справување од пандемијата
Германија ги избегна високите стапки на смртност, истовремено избегнувајќи ги и острите мерки за изолација. Шеесет и петгодишната Меркел, која стана канцелар во 2005 година, во октомври 2018 година објави дека нема да побара нов мандат, но рече дека планира да го заврши сегашниот мандат, што треба да истече на крајот на следната година.
