Жогорку Кеңештин депутаты Бактыбек Жетигенов кызматташы Канатбек Исаев менен мушташып кеткени тууралуу сөздөрдү төгүндөдү. Анын айтымында ошол күнү ал депутат Канатбек Исаевдин кеңсесине жеке маселеси менен барып кеткен.
- Ошол күнү кеңсесине барганым чын. Эч нерсе болгон эмес. Жеке маселени тактап алайын деп эле баргам, - деди ал.
Буга чейин бир нече жергиликтүү маалымат каражаттары өз булактарына таянып депутат Канатбек Исаевге кызматташы Бактыбек Жетигенов кол көтөргөнүн жазып жатышат. Алар бул окуя Канатбек Исаев парламенттен экс-президент Алмазбек Атамбаев жөнүндө сын пикир айткандан кийин болгонун жазышкан.
Бир нече күндөн бери депутат Канатбек Исаев менен байланышууга мүмкүнчүлүк болбой жатат. Экс-президент Алмазбек Атамбаевдин кол тийбестигинен ажыратуу боюнча комиссиянын мүчөсү катары жыйындарга катышкан жок. (TSh)