Түркмөнстанда Халк Маслахаты (Элдик Кеңеш) деп аталып келген парламенттин жогорку палатасы жоюлду. Ал расмий түрдө өзүнчө турган эң жогорку бийлик органы катары жарыяланып, өлкөнүн мурдагы президенти Гурбангулы Бердымухаммедов жетектейт. Ал эми Улут лидери макамына ээ болду. Аны жаңы түзүлгөн жогорку органдын төрагасы катары дайындаган учурдагы президент Сердар Бердымухаммедовдун буйругу жергиликтүү басылмаларга 21-январда жарыяланды. Түркмөнстанда көз карандысыз орган катары түзүлгөн Халк Маслахаты... Читать дальше...
Базар-Коргондо айрым дыйкандар пахтанын наркы төмөн болгондуктан сатпай отурат. Быйыл анын баасы 50-70 сом болууда. Пахта алуучу кардар деле жок. Өткөн жылы январь айында ак алтындын килосу 115 сомго чыкан эле.
Президент Садыр Жапаровдун басма сөз катчысы Эрбол Султанбаев 22-январда Фейсбуктагы баракчасы аркылуу АКШ сенаторлорунун "Азаттык Медиа" тууралуу кайрылуусуна жооп берди. "Бүгүн жалпыга маалымдоо каражаттары аркылуу АКШнын эки сенатору "Азаттык медиа" айланасындагы кырдаалга байланыштуу президент Жапаровго кайрылуу жолдоп, анда өлкөдө сөз эркиндигине кысым болууда дегендей тынчсыздануусу айтылганы белгилүү болду. Бул сөз эркиндигине жана басма сөзгө өлкөнүн Конституциясы берген кепилдикке каршы келген сыңары белгиленет. Читать дальше...
Жер бетиндеги жасалма жарыктар түнкү асманга да кедергисин тийгизүүдө. Норвегиянын археологдору дүйнөдөгү эң байыркы рун жазуусу чегилген таш табылганын белгилешти. Америкалык инженерлер караңгыда жол кырсыктарын алдын алуучу жаңы детектор жасашты. "Азаттыкта" илимдеги соңку жаңылыктардын топтому. Келечекте жылдыздарды көрүү кыйынчылык жаратат Жер бетиндеги жасалма жарыктар түнкү асманга да кедергисин тийгизүүдө. Жерден чыккан жарык түнкү асманга чагылышып, аны да жарык кылып, натыйжада жылдыздарды көрүү барган сайын кыйындап барат. Читать дальше...
АКШнын Калифорния штатынын Монтерей-Парт шаарында ишембиден жекшембиге караган түнү белгисиз бирөө ок аткан. Ал убакта көчөдө көптөгөн адамдар кытай календары боюнча Жаңы жылды майрамдап жаткан. Полициянын маалыматына ылайык кеминде 10 киши каза таап, дагы ондогону жарадар болгон. Азырынча ок аткан киши тууралуу маалымат жок жана анын аракетинин себеби белгисиз. Монтерей-Парк Лос-Анжелестин четинде жайгашкан шаар. Анын калкынын 65 пайызын Кытайдан жана Түштүк-Чыгыш Азиядан келгендер түзөт. Кытайдын... Читать дальше...
Бишкекте 18-январда Кытай-Кыргызстан-Өзбекстан темир жолу долбоорунун курулушун тескей турган кеңсе ачылганы белгилүү болду. Бул тууралуу "Өзбекстан темир жолдору" мекемеси расмий маалымат тараткан. Кеңсени ачуунун максаты долбоордун ишке ашуусун тездетүү экени белгиленген. "Темир жолду куруу долбоорунун техникалык, экономикалык негиздемеси быйыл 1-июнга чейин даярдалат. Тараптар азыркы учурда долбоорду башкаруу тартиби, эл аралык финансы уюмдарынан каражат тартып келүүнүн үстүндө иштеп жатат"... Читать дальше...
Бишкекте 21-январдын түнүндө Түштүк магистрал менен Пудовкин көчөсүнүн кесилишинде жол кырсыгы катталып, эки киши көз жумду. Жол кайгуул кызматынын басма сөз катчысы Тилек Исаев бул тууралуу "Азаттыкка" маалымат берди. "Жогорку ылдамдыкта келе жаткан КИА үлгүсүндөгү машина түнкү саат 23:30га чукул жол жээгиндеги мамыны сүзүп, экиге бөлүнүп кеткен. Кырсыктан 23 жаштагы жигит жана 20-25 жаштар чамасындагы кыз көз жумду. Машиненин 18 жаштагы айдоочусу жана 19 жаштагы дагы бир кыз оор жаракат алып, Бишкектеги тез жардам ооруканасына жеткирилди.
Министрлер кабинетинин төрагасы Акылбек Жапаров Бишкектеги абанын сапатын жакшыртуу үчүн эски машинелерден арылуу керектигин айтты. Жапаров 20-январда райондук мамлекеттик администрациялардын жана жергиликтүү өз алдынча башкаруу органдарынын жетекчилеринин катышуусунда өткөн республикалык кеңешмеде Бишкек мэри Эмилбек Абдыкадыровго унаалардын санына байланыштуу бир нече тапшырма берди. "Бишкектин тургундарынын канча машинеси бар, тактап аныктап чыккыла. Бөлөк жактан келген машинелердин баарына шаардын кире беришине "тузактарды" койгула. Читать дальше...
Бүгүн, 22-январда Майлуу-Суу шаарынын тургундарына Өзгөчө кырдаалдар министрлиги гуманитардык жардам көрсөттү. "Майлуу-Суу шаарындагы аз камсыз болгон 810 үй-бүлөгө гуманитардык жардам жеткирилди. Азыктын түрлөрү ӨКМдин кызматкерлери, шаар мэриясынын жамааты тарабынан муктаждарга бөлүштүрүлдү. Жардам Мамлекеттик материалдык резервдер фондунан бөлүнүүдө", - деп билдирет ӨКМдин жергиликтүү бөлүмү. Майлуу-Суу шаарында 30миңге чукул эл жашайт. Шаарда 12-январдан баштап жылуулук токтоп, таза суу жана саркынды суулар аккан курлар тоңуп калган.
23-январда Өзгөн районунун Ак-Жар айыл аймагына караштуу Большевик кыштагында 225 орундуу жаңы мектептин курулушу аяктап, пайдаланууга берилет. Бул тууралуу Билим берүү жана илим министрлиги кабарлады. Буга чейин Большевик айылында мектептин имараты болгон эмес. Мектептин курулушун Сауд Арабиясынын өнүктүрүү фонду каржылады. Курулуш иштери 2020-жылдын февраль айында башталып, пандемияда убактылуу токтотулган. Билим берүү министрлигинин буга чейинки маалыматына ылайык, Кыргызстанда 245 мектеп авариялык абалда. Читать дальше...
23-январда Кыргызстандын аймагында кар жаабайт. Түнкүсүн жана эртең менен Чүй облусунун айрым жерлеринде туман түшөт. Шамалдын багыты өзгөрүлүп турат, ылдамдыгы секундасына 1-6 метрге чейин жетет. Абанын температурасы: Чүй облусунда түнкүсүн -12…-17, күндүз -2…-7; Таласта түнкүсүн -19…-24, күндүз -4…-9; Баткен, Ош, Жалал-Абад дубандарында түнкүсүн -7…-12, күндүз -2…+3; Ысык-Көл кылаасында түнкүсүн -6…-11, күндүз 0…+5; Нарын аймагында түнкүсүн -22…-27, күндүз -9…-14; Бийик тоолуу райондордо түнкүсүн -28…-33... Читать дальше...
Ошто ашар жолу менен эки кабаттуу жаштар борбору курулуп жатат. Демилгечилердин айтымында, мындай борборлор жаштарды туура эмес агымдарга азгырылуудан, криминалга аралашуудан коргоого багытталган.
Майлуу-Суу шаарында сууга байланышкан абалды жөнгө салуу үчүн Өзгөчө кырдаалдар министрлигинин 52 кызматкери, 11 техника жана Жарандык коргонуу кызматтарынан 222 кызматкер, 51 техника иштеп жатат. Бул тууралуу министрликтин басма сөз кызматы билдирди. Маалыматка караганда, таза суунун башкы кампасы дарыянын суусу менен толтурулуп, шаардын беш миң тургунду камсыздайт. Шаардыктардын бир күндүк суу керектөөсү 19 миң метр кубду түзөт. 21-январда төрт өрт өчүрүүчү автоунаа менен турмуш-тиричиликке керектелүүчү 64 тонна суу таратылды. Читать дальше...
Бишкек Өзбекстандын президенти Шавкат Мирзиёевдин Кыргызстанга көптөн күтүлгөн мамлекеттик сапары “жакын арада болорун” 19-январда кабарлап, бирок так датаны айткан жок. Айрым маалыматтарга караганда кошуна өлкөнүн башчысы 26-январда келет деп күтүлүүдө. Бир канча жолу жылдырылган бул мамлекеттик сапар кандай мааниге ээ? Өзбекстан чек ара сызыгын аныктоодо көбүрөөк эмнеге көңүл бурат? Эксперттер чөйрөсүндө Өзбекстан Борбор Азиядагы лидерликке умтулуп жатканы байма-бай айтылып келет. Ташкент бул... Читать дальше...
Бишкек Өзбекстандын президенти Шавкат Мирзиёевдин Кыргызстанга көптөн күтүлгөн мамлекеттик сапары “жакын арада болорун” кабарлап, бирок так датаны айткан жок. Бир канча жолу жылдырылган бул мамлекеттик сапар Бишкек менен Ташкент үчүн кандай мааниге ээ? Өзбекстан чек ара сызыгын аныктоодо көбүрөөк эмнеге көңүл бурат? Эксперттер чөйрөсүндө Өзбекстан Борбор Азиядагы лидерликке умтулуп жатканы байма-бай айтылып келет. Ташкент бул лидерликтен эмнени көздөйт жана ал кошуналарга мамиледе кандай роль ойнойт? Читать дальше...
Баткенде жазуучу, журналист Мурзапар Үсөн 75 жаш курагында каза болду. Ал Баткен районунун Кара-Булак айылында "Муз булак" коругун негиздеген. Драматург, тарыхчы, скульптор, сүрөтчү катары да белгилүү. Мурзапар Үсөн Баткен районунун 1948-жылы туулган. Кыргызстан жазуучулар биримдигинин мүчөсү. “Ааламдар алкагында”, “Сакылар жери”, “Менин философиям”, “Тайгак кечүү”, “Сырттан” ж.б. бир нече романдардын, повесттердин, драмалардын автору. Маркумдун сөөгү бүгүн, 22-январда өзү туулуп-өскөн Кара-Булак айылына коюлат. Читать дальше...
Өлкө башчысы Садыр Жапаровдун тапшырмасы менен электр энергиясын бөлүштүргөн ортомчу компаниялардын саны кыскарды. Бул тууралуу 21-январда президенттин басма сөз катчысы Эрбол Султанбаев Фейсбуктагы баракчасына жазды. "Учурда алардын саны 28ден 12ге чейин кыскарды. Азыркы тапта электр энергиясын калкка жеткирүү жараянында энергетикалык жеке ортомчу компанияларды толук жоюу үчүн оптимизациялоо иштери уланууда", - деп билдирген Султанбаев. Ага чейин Садыр Жапаров өзүнүн Фейсбук баракчасынан быйыл... Читать дальше...
Орусиянын “Роскомнадзор” көзөмөл мекемеси Telegram мессенжерин “чет элдик агент” деп таанып, 1-марттан тарта андан банктык кызматтарды ишке ашырууга тыюу салды. Кайрымдуулук жана Telegram аркылуу каналдарга акы төлөп жазылуу да токтойт. Бул тууралуу “Коммерсант” басылмасы жазды. Орусиялык банктар санкциялардан улам App Store жана Google Play тиркемелерин колдоно алышпайт. Банктык төлөмдөр санкциялар күчүнө киргенден бери Telegram аркылуу жүргүзүлүп келген. Telegram азырынча бул маалымат тууралуу комментарий бере элек. Читать дальше...
Чүй облусундагы майыптыгы бар жана карылар үйлөрүндө имараттын ичиндеги жылуулук +5 градуска чейин түшүп кеткен. Кыйноолордун алдын алуу боюнча улуттук борбор 17-19-январда 14 социалдык жайды кыдырып, анын тургундары үшүп жатканын аныктаган. Бул тууралуу мекеме 21-январда билдирүү таратты. “Бардык социалдык жайлар административдик борборлордон алыс жайгашкан. Көмүр, электр энергиясы же газ менен жылыйт. Жарык өчүп жаткандыктан, имараттардын ичи суук, суу муздак. Айрым жайларда тамак жасай албай жатышыптыр. Читать дальше...
