Өзбекстандын Тышкы иштер министрлиги Ооганстанда жогорку окуу жайларда кыз-келиндердин билим алуусуна тыюу салынганына тынчсыздануусун билдирди. Ташкент "Талибан" өкмөтүн бул чечимди ооган элинин жаркын келечеги үчүн кайра карап чыгууга үндөдү. Билдирүү 5-январда Тышкы иштер министрлигинин сайтына жарыяланды. Эл аралык коомчулук тааныбаган “Талибан” өкмөтү 2022-жылдын 21-декабрында ооган аялдарынын университеттерде окуусуна тыюу салган жана ал буйрук дароо, мөөнөтсүз күчүнө киргенин билдирген.... Читать дальше...
Кыргызстандагы жаштардын дээрлик 90% чет өлкөгө барып иштеп же билим алууну каалайт. Акыркы жылдары жаштардын коомдук-саясий окуяларга катышуусу төмөндөгөн жана ишкерликке мамлекет көмөк көрсөтпөйт деп эсептешет. Бул анализдер Бириккен Улуттар Уюмунун (БУУ) Кыргызстандагы жаштардын өнүгүшү тууралуу жасалган сурамжылоосунун жыйынтыгында айтылат. Маданият, маалымат, спорт жана жаштар саясаты министрлигинин сунушу менен жүргүзүлгөн бул сурамжылоого Кыргызстандын бардык аймактарынан 14-28 жаштагы 1640 адам катышкан. Читать дальше...
Бүгүн 6-январда Бишкекте, Энергетика министрлигинде Кыргызстандын, Казакстандын жана Өзбекстандын энергетика министрлеринин жолугушуусу өтүп, анда "Камбар-Ата-1" ГЭСин куруунун “жол картасы” боюнча макулдашууга кол коюлду. Жолугушууда долбоорду ишке ашыруу үч өлкөгө тең калыс жана пайдалуу болору белгиленди. Макулдашууга Кыргызстандын энергетика министри Таалайбек Ибраев, Казакстандын энергетика министри Болат Акчулаков, Өзбекстандын энергетика министри Журабек Мирзамахмудов кол коюшту. Энергетика... Читать дальше...
Казакстандын башкы прокурору Берик Асыловдун былтыркы Январь окуяларына Кыргызстандын, Өзбекстандын, Тажикстандын жана Орусиянын жарандары да катышканын айтканы кыргыз коомчулугунда сынга кабылды. Берик Асыловдун парламенттеги бул билдирүүсүнө Бишкек жана Дүйшөмбү реакция кылды. "Далил берсин, болбосо кечирим сурасын" Жогорку Кеңештин депутаты Марлен Маматалиев Казакстандын жогорку бийлик өкүлдөрүн эч далилсиз, жоопкерчиликсиз билдирүү таратты деп сынга алды. Айныксыз далилдер болсо, бир жыл ичинде эбак жарыяланмак деген пикирде. Читать дальше...
Мексиканын батышындагы Кулиакан шаарында бейшемби күнү эртең менен полиция белгилүү наркобарон Эль Чапонун уулун камакка алгандан кийин тополоң чыкты. Башаламандык, атышуу шаардан тышкары жергиликтүү аэропортто да болгон. Коргоо министри Луис Кресенсио Сандовалдын айтымында, Чапонун уулу Овидио Гусман-Лопезге атасы негиздеген Синалоа наркотүйүнүнүн филиалын жетектеген деген айып тагылган. Аны кармоо операциясына АКШ көмөктөшкөн. Гусман-Лопес АКШга экстрадицияланышы күтүлүүдө. Синалаонун губернатору билдиргендей... Читать дальше...
Лас-Вегастагы CES 2023 көргөзмөсүндө BMW компаниясынын түсүн заматта өзгөртө турган автоунаасы көрсөтүлдү. Элди таң калтырган i Vision Dee концептуалдык машинесинин көрүнүшү 32 түскө алмашат. Электрден кубат ала турган автоунаада айдоочулар көнгөн экрандар жок, бардык маалыматтар алдыңкы айнектеги дисплейде көрсөтүлөт. Айдоочу керектүү баскычтардын жардамы менен каалаган түсүн тандап, терезелердин өлчөмүн, санын жана алардын мазмунун тууралай алат. Машинени сатыкка 2025-жылы чыгаруу мерчемделүүдө. Читать дальше...
Глобалдык климаттык өзгөрүүнүн натыйжасында 2100-жылга карата Жер шарындагы мөңгүлөрдүн 68% жоголушу мүмкүн. Эң начар прогноздо балким 83% эрип кетиши ыктымалдыгы айтылат. Бул тууралуу Science журналында жарыяланган гляциологдордун жаңы изилдөөсүндө айтылат. Окумуштуулар жер бетиндеги 200дөн ашуун мөңгүнү изилдеп чыгышкан. Андан соң компьютердик ыкмаларды колдонуп, абанын температурасы көтөрүлгөн шартта мөңгүлөрдүн жок болуп кетүү ыктымалдыгын аныкташкан. Азыр болжолдонгон температуранын 2,7°... Читать дальше...
Латвиянын Мамлекеттик коопсуздук кызматы "Sputnik Литва" агенттигинин башкы редактору Марат Касемди камакка алды. LSM.lv порталы кабарлагандай, Касем Евробиримдиктин санкцияларын бузган деп шек саналууда. Ал 3-январда кармалган, ошол эле күнү сот аны камакка алууга санкция берген. Марат Касем Латвиянын жараны, бирок Москвада жашаган. Литвада "Россия сегодня" мамлекеттик медиахолдингине кирген Sputnik маалымат агенттигин жетектеген. Журналистке "БУУнун Коопсуздук кеңеши бекиткен санкцияны бузуу" беренеси менен кылмыш иши козголгон. Читать дальше...
Бишкек шаарындагы Ленин райондук милициясы кыз ала качууга шек саналып 31 жаштагы эки адам кармалганын кабарлады. Маалыматка ылайык, милицияга 27-декабрда 21 жаштагы кыз кайрылып арыз жазган. Анда шаардагы муз тебүү аянтынан эки бала үйүнө жеткирүүнү убада кылганын, бирок аны бейтааныш үйгө алып келип эркине каршы никеге турууга мажбурлашканын билдирген. Милиция бул фактынын негизинде кылмыш ишин козгогон. 4-январда Ош облустук милициясы 23 жаштагы кыз уурдалып бараткан жеринен куткарылганын кабарлаган. Читать дальше...
Тажикстандын Тышкы иштер министрлиги Казакстандагы Январь окуяларына тажик жарандарынын тиешеси бар экенин четке какты. Дүйшөмбү мындай билдирүүнү 6-январда жасады. Тажик тарап Казакстандын прокуратурасынын маалыматтары текшерилип, тастыкталбаганын айтууда. Мурдараак Кыргызстандын Тышкы иштер министрлиги да Казакстандагы окуяларга кыргыз жарандарынын тиешеси жоктугун билдирген. 5-январда Казакстандын башкы прокурору Берик Асылов парламентте сүйлөгөндө 2022-жылдагы жапырт башаламандыкка шек саналгандар арасында "Орусия... Читать дальше...
2023-жылдан тарта Кыргызстанда мамлекеттик жана ири иш-чараларда фонограмма менен ырдоого тыюу салынды. Маданият, маалымат, спорт жана жаштар саясаты министрлигинин бул кадамын колдогондор да, сындагандар да арбын. Эске сала кетсек, өлкөдө буга чейин эле фонограммага тыюу салган буйруктар чыккан. Маданият, маалымат, спорт жана жаштар саясаты министри Алтынбек Максүтов кол койгон документке ылайык, эми театрда, кинозалда, музейде, клубда, китепканаларда жана спорттук имараттарда фонограмма менен ырдоого болбойт. Читать дальше...
Министрлер кабинетинин төрагасынын орун басары Бакыт Төрөбаев Бишкектеги Жылуулук электр борборунун (ЖЭБ) иши, азыркы абалы менен таанышты. Өкмөттүн басма сөз кызматынын билдиришинче, учурда ЖЭБде 100,4 миң тонна көмүрдүн кору бар. Учурда күнүмдүк керектөө 6,5 миң тоннага чейин жетип, күн сайын сырттан 7 миң тоннадай көмүр сырттан ташылып келүүдө. Өткөн айдын аягында ЖЭБдин суу түтүгү жарылып, көп өтпөй оңдолгон. 2018-жылдын январь айында ЖЭБде авария болуп, борбор калаа бир нече күн энергиясыз калган. Читать дальше...
Казакстандын мурдагы коргоо министри Мурат Бектанов 2022-жылы январдагы нааразылык учурунда мыйзамсыз буйруктарды берип, аскердик стратегиялык объектилерди кароосуз калтырган. Бул тууралуу Казакстандын башкы прокурору Берик Асылов былтыр январда казак шаарларында болгон кагылышуулардын иликтениши жөнүндө баяндама жасаганда билдирди. Бектанов 2022-жылдын февралынан бери абакта отурат. Асыловдун айтымында укук коргоо органдарынын кызматкерлери президент Касым-Жомарт Токаев курал колдонууга буйрук... Читать дальше...
7-январда түнкүсүн Чүй, Талас, Жалал-Абад, Баткен облустарынын тоолуу райондорунда кар жаашы ыктымал. Калган учурда жана башка аймактарда кар жаабайт. Чүй менен Таластын айрым аймактарын эртең менен туман капташы мүмкүн. Жолдор тоңголок, тайгак болот. Түштүк-батыштан соккон шамалдын ылдамдыгы секундасына 3-8 метрге чейин жетет. Абанын температурасы: Чүй облусунда түнкүсүн -4...+1, күндүз +5…+10; Талас жергесинде түнкүсүн -4...+1, күндүз +6…+11; Баткен, Ош, Жалал-Абад дубандарында түнкүсүн 0…+5... Читать дальше...
Казакстанда Январь окуяларына байланыштуу кармалган, кылмыш чөйрөсүндө "Дикий Арман" деген каймана ат менен таанымал Арман Жумагелдиевдин тергөө абагындагы мөөнөтү 7-мартка чейин узартылды. Бул тууралуу Алматы соту 6-январда билдирди. Арман Жумагелдиев былтыр 7-январда калайман башаламандык уюштурууга, мыйзамсыз курал алып жүрүүгө айыпталып кармалган. Тергөөдө ал "коопсуздук кызматындагы кураторунун жардамы менен тополоң уюштурганы аныкталды. Жумагелдиевдин жетекчилиги менен көчөдөн бейтааныш 24 киши уурдалып... Читать дальше...
Кошмо Штаттарында Өкүлдөр палатасы бейшембиде дагы спикер шайлай алган жок. Республикачылардан чыккан негизги талапкер Кевин Маккарти үчүнчү күнү 200 добуш топтоду, анын бул кызматка келиши үчүн дагы кеминде 18 конгрессмендин колдоосу керек. Маккартиге негизинен консерватор республикачылар каршы чыгып, Конгресстин төмөнкү палатасынын ишине байланыштуу бир катар талаптарды коюп жатат. Маккарти менен анын тарапташтары сүйлөшүүлөрдү жүргүзүүдө. Айрым басылмалар Конгрессте кырдаал чыңалып турганын... Читать дальше...
Өзгөчө кырдаалдар министрлиги 6-январда Ош облусунда Мырза-Аке - Кара-Кулжа - Алайкуу жолунун бир тарабы ачылганын кабарлады. Бул жолго эки күн мурда көлөмү 1500 м3 кар көчкү түшкөн. Мындан сырткары 70-80-чакырым аралыктарында кар күрткү пайда болгондуктан жол убактылуу жабылган. Кыргызгидромет борбору аба ырайына байланыштуу чукул кабар тараткан. Ага ылайык, 5-январда жааган кардан улам өлкөнүн тоолуу райондорунда, Мырза-Аке-Кара-Кулжа-Алайкуу кан жолунун 55-107 чакырымында, Ала-Бука-Каныш-Кыя... Читать дальше...
Өзбекстанда бардык мектептерде, жогорку окуу жайларда кышкы каникулдун мөөнөтү 17-январга чейин узартылды. Ошондой эле бала бакчалар 10-18-январь күндөрү мөөнөтсүз тыныгууга чыгат. Бул тууралуу Билим берүү министрлиги кабарлады. Өзбекстанда кышкы каникул 9-январда аяктап, окуу 10-январда башталмак. Каникул келерки аптада аба ырайы кескин өзгөрүп, 10-15-январь күндөрү катуу суук болушу ыктымалдыгына байланыштуу узарды. Кыргызстанда дагы Гидрометеорология борбору келерки аптадан тартып аба ырайы кескин өзгөрүп... Читать дальше...
Улуттук коопсуздук комитети (УКМК) Нарын облусунун Кочкор районунда Аксакалдар кеңешинин арызынын негизинде, жерди мыйзамсыз басып алууга шек саналган уюшкан кылмыш тобунун А.Ы.А аттуу бир мүчөсү кармалганын билдирди. "Райондук аксакалдар кеңешинин жамааттык арызынан улам козголгон кылмыш ишинин алкагында, 100 гектардан ашык жерди жеке жактарга кайра сатуу максатында өзүм билемдик менен ээлеп алган А.Ы.А. кармалды. Ал аксакалдар кеңешинин мүчөлөрүн күч колдонуп коркуткан. Ошондой эле, 2022-жылы... Читать дальше...
Жогорку Кеңештин депутаты Жеңишбек Токторбаев Баткенге барганда Кыштут айылында чакан ГЭС куруп жаткан ишкерге жолукту. Парламенттин басма сөз кызматынын билдиришинче, анда ишкер мамлекеттен колдоо болбой жатканына даттанган. "Кыштут айылындагы Кыштут дарыясына кубаттуулугу 10 мегаватт, баасы 7 миллион долларды түзгөн ГЭСтин курулушу 2021-жылы башталган. Анда ГЭСти беш каскад менен куруу жагы пландаштырылып, учурда биринчи каскаддын жумуштары 100% аткарылды. Тактап айтканда, эки даана бассейн... Читать дальше...
Чүй облусунун Сокулук районундагы Шалта айылынын бир катар тургундары атайын кызматтын аталган айыл тууралуу тараткан маалыматтары бир тараптуу болуп калганын айтып, “Азаттык” радиосунун “Эл үнү” берүүсүнө кайрылышты. 24-декабрда Улуттук коопсуздук мамлекеттик комитети бул айылдын айрым тургундары башка аймактардан көчүп келгендерден мыйзамсыз акча чогултуп жатканы тууралуу маалымат тараткан. Анда трансформаторду оңдоо шылтоосу менен акча чогултулганы айтылган. УКМК мындай аракеттерге барды... Читать дальше...
Министрлер кабинетинин төрагасы Бакыт Төрөбаев энергетика министри Таалайбек Ибраевге жылытуу маалында электр энергиясы менен үзгүлтүксүз камсыздоону тапшырды. Ал 5-январда Чүй электр тармактар ишканасында өткөргөн жыйында энергетиктерди аба ырайынын кескин өзгөрүшүнө даяр турууну эскертти. "Келерки аптадан тартып аба ырайы кескин өзгөрүшү айтылып жатат. Бүгүнтөн баштап электр тармактары ишканаларынын баарындагы ар түрдүү чыңалуудагы көмөк чордондордун жана электр чубалгыларынын ишенимдүү иштөөсүн дыкат көзөмөлгө алыңыздар",-деген Төрөбаев. Читать дальше...
