Беларус оппозициясынын өкүлү Мария Колесникова Лукашенконун бийлиги аны «өлтүрөбүз» деп коркутканын айтып чыкты.
Бишкектеги «Вефа» соода борборунда иштеген ижарачылар Биринчи Май райондук сотунун имаратты камакка коюу тууралуу чечимине нааразылык билдирип чыгышты. Ишкерлер 10-сентябрда Бишкекте басма сөз жыйынын өткөрүп, бийликтен ижарачылардын укуктарын коргоп берүү өтүнүштү. Алардын айтуусунда, соода борборунда 160тан ашык ижарачы бар. Анда миңден ашык адам иштеп, жан багат. Соода борборунун юристи Людмила Горлова соттун чечиминен ишкерлер, ижарачылар да зыян тарта турганын айтып чыкты. «Биз дайыма биринчи-экинчи инстанцияларда жеңип келдик. Читать дальше...
Кыргыз өкмөтү 3,3 млрд. сом жеңилдетилген насыя катары ишкерлерге берилгенин кабарлады.
Лейлек районунун Жаңы-Жер айылынын тургуну, кыргыз-тажик чек ара тилкесинде жашаган 80 жаштагы Махмуд Бабажанов 10-сентябрда кечке жуук соттун чечими менен бошотулду. Бул тууралуу ал өзү «Азаттыкка» кабарлады. Бабажановдун айтымында, Тажикстандын Гафуров райондук соту ага «Мамлекеттик чек араны мыйзамсыз бузуп кирген» деген негиз менен 29 миң сомони (3 миң доллар өлчөмүндө) айыппул салган. «Мени себепсиз кармап турушкан, - деди ал. - Мага Бишкектен Тышкы иштер министрлигинен, элчиликтен чалышты... Читать дальше...
Светлана Тихановская, Мария Колесникова жана Вероника Цепкало баш болгон Беларустун «эр жүрөк аялдары» Сахаров сыйлыгына көргөзүлдү. Үчилтикти Европа парламентиндеги экинчи ири топ - Социалисттер жана Демократтар сунуш кылышты. Топтун вице-президенти Кэти Пири чечим тууралуу жарыялап жатып, быйыл Сахаров сыйлыгына өз өлкөсүндөгү эркиндик жана демократия үчүн күрөшүп келаткан Беларустагы «эр жүрөк аялдар» татыктуу деп бекем ишенерин билдирди. Башка фракциялар өз талапкерлерин апта аягында же эмки жумада жарыялашмакчы. Читать дальше...
Быйылкы шайлоого аттангандардын арасынан эки партия Борбордук шайлоо комиссиясын (БШК) сот аркылуу утуп алып, жарышка расмий катталды.
7-сентябрь күнү Аксы районунун Үч-Коргон айылынын тургуну Б.Ш. милицияга кайрылып, айылдашы Т. Э. үстүнөн арызданган. Арызында аны «Мекеним Кыргызстан» партиясына үгүт жүргүзүүгө мажбурлашканын билдирген. Бул тууралуу Жалал-Абад облустук ички иштер башкармалыгынын (ОИИБ) басма сөз катчысы Шеркул Турганбаев «Азаттыкка» маалымдады: «Үч-Коргон айылынын тургуну Б.Ш. 7-сентябрь күнү айылдашы Т.Э. телефон аркылуу үйүнөн чакырып алып, «Биримдик» саясий партиясына үгүт кылбай, «Мекеним Кыргызстан» саясий... Читать дальше...
«Викиликс» сайтынын негиздөөчүсү Жулиан Ассанжды Британиядан АКШга экстрадициялоо иши каралган сот процесси 10-сентябрда болбой калды. Америкалык өкмөттүн кызыкчылыгын коргогон адвокаттардын бири коронавируска чалдыкканы белгилүү болгондон кийин сот 14-сентябрга которулду. Австралиянын жараны, 49 жаштагы Ассанж АКШда тыңчылык жана компьютерди кыянат пайлангандыгы үчүн 18 эпизод боюнча айыпталууда. Он жыл мурун ал «Викиликс» сайтында АКШ армиясына таандык купуя маалыматтарды жарыялап жиберген. Ассанж өзү... Читать дальше...
Кыргызстанда айрым активисттер жана журналисттер «Твиттер» аккаунттарына чабуул коюлуп, жазган посттору өчүп калганын айтып чыгышты.
Араванда «Биримдик» партиясынын талапкерлеринин жыйынына мугалимдердин катышканы талкууга түштү. 8-сентябрда «Биримдик» партиясынын талапкерлери Өмүрбек Бакиров, Шүкирилло Файзуллаев жана Жалалиддин Нурбаев Араван районуна караштуу Алля Анаров атындагы айыл өкмөтүндөгү мектеп жана бала бакча кызматкерлерин чогултуп, жыйын өткөргөн.
Кыргызстандын жарандарынын биометрикалык базасын жаңы программалык системалар менен камсыздоо кечикти. «Азаттыкка» жеткен маалыматтарга ылайык, Мамлекеттик каттоо кызматы каржы маселеси чечилбегенден улам ондон ашык лицензияны бир жылдан бери ала албай жатат. Мекеме бул маалыматты жарым-жартылай ырастоодо. Адистер лицензиялар жаңырбаса жеке маалыматтардын коопсуздугун камсыздоо коркунучта экенин, натыйжада биометрикага байланган шайлоо да үзгүлтүккө учурап калышы мүмкүн экенин эскертишүүдө. Лицензиялар баяны Түшүнүү жеңил болушу үчүн... Читать дальше...
АКШнын Демократиялык партиясынан президенттикке талапкер болгон Жо Байденге кеңешчи болгон компания орусиялык деп шек саналган хакерлердин чабуул аракетине кабылды. Жакында америкалык «Microsoft» компаниясы чабуул аракети болгонун, хакерлердин орус өкмөтүнө байланышы бар экенин аныктаганын «Reuters» агенттигине үч булак ырастаган. «Бирок компаниянын компьютердик маалыматтары жакшы корголгондуктан, максат ишке ашкан эмес», - деди булактардын бири. «Reuters» маалымдагандай, Вашингтондо жайгашкан... Читать дальше...
Жакындан тартып бир катар кыргыз акындарынын ырлары «РухЭш» сайтына караштуу «Нуска» котормочулар тобунун демилгеси менен түрк тилине которулуп келатат.
Беларус оппозициясынын лидерлеринин бири Мария Колесникова бийлик аны күчтөп депортация кылууга аракеттенгенде башына мүшөк кийгизип, «өлтүрөбүз» деп коркутканын айтып берген. Бул жөнүндө Tut.by эркин маалымат сайты анын адвокаты Людмила Казакка таянып жазды. Анын айтымында, Колесникова бийликке, анын ичинде КГБге каршы укуктук аракет көрүүнү көздөп жатат. Оппозиционерди жана оппозициядагы Координациялык кеңештин дагы эки мүчөсүн 7-сентябрда Минскинин борборунан белгисиз бирөөлөр машинеге салып кетишкен. Читать дальше...
АКШдагы Жон Хопкинс университетинин эсебинде, дүйнө жүзүндө коронавирустан көз жумгандар 900 миң адамдан ашып, ооруну 27,7 миллиондон көп киши жуктуруп алды.
Окуучуларын өз үйүнөн окутуп жаткан сүрөтү Интернетте тарап, кызуу талкууга түшкөн баткендик мугалимге ноутбук тапшырылды. Бул тууралуу 10-сентябрда Билим берүү жана илим министрлиги кабарлады. Мекеменин маалыматына караганда, Баткен районунун Муса Кадыр атындагы орто мектебинин башталгыч класстарынын мугалими Миргүл Эшимовага ноутбукту министр Каныбек Исаков өз акчасына сатып берди. 8-сентябрда Интернетте беткапчан 17 окуучу бир чакан бөлмөдө жер төшөктөргө отуруп алып сабак окуп жаткан сүрөт тарап, коомчулукта кызуу талкуу жараткан. Читать дальше...
Борбордук шайлоо комиссиясы (БШК) «Бүтүн Кыргызстан» партиясынын иши боюнча Бишкектин административдик соту чыгарган чечимге каршы Жогорку сотко арызданбайт. Бул тууралуу Боршайкомдун төрайымы Нуржан Шайлдабекова партиянын айланасындагы маселе тууралуу комментарий берип жатып айтты. «Шайлоо процесси кызуу фазасында экенин жана бардык саясий партияларга бирдей мүмкүнчүлүк түзүп берүү зарылчылыгын эске алып, Борбордук шайлоо комиссиясынын мүчөлөрүнүн көбү Жогорку сотко арыздануудан баш тартып, «Бүтүн Кыргызстан» партиясын каттоону чечти»... Читать дальше...
Ички иштер министрлиги тиешелүү тармактар менен бирге айыл-шаарларда «Салам, мектеп!» рейдин уюштурду. Бул тууралуу 10-сентябрда «Азаттыкка» министрликтин басма сөз кызматынын өкүлү Адинай Шаршеева билдирди: «Жергиликтүү өз алдынча башкаруу органдарынын өкүлдөрү менен бирге билим алууга тартылбаган өспүрүмдөрдү, балдарын окуу куралдары менен камсыз кыла албаган үй-бүлөлөрдү аныктоо максатында текшерүү жүргүзүлдү». Рейдде коомдук жайлар, соода түйүндөрү, оюн-зоок жайлары, таштанды төгүлүүчү жерлер, күнөсканалар текшерилди. Читать дальше...
АКШнын Орегон штатында токойлорду өрт чалып, жүздөгөн турак жай кыйрады. Өрт өчүрүүчүлөр тилсиз жоо менен күрөштү улантып жатышат. Бийлик жабыркаган аймактардын жашоочуларын коопсуз жайларга чыгып кетүүгө чакырды. Курман болгондор тууралуу маалымат жок. Орегондун губернатору Кейт Браун жергиликтүү тургандарды баарына даяр болуп турууга чакырды. Штатта өрт 7-сентябрда башталып, катуу шамалдан улам тез жайыла баштаган. Браун бери дегенде беш шаар жабыркаганын кошумчалады. Кошуна Калифорнияда... Читать дальше...
4-октябрдагы парламенттик шайлоого 16 партия ат салышууда. Өлкөдө чыныгы, анык бир көз карашты тутунган партия барбы? Парламентаризм канткенде бекемделип, бийлик башына бир ууч топтун кызыкчылыгын көздөбөгөн, өлкө байлыгын олигархтардын кызыкчылыгына иштетүүгө жол ачпаган күч келет?
Велоспортчулар Евгений Требунский менен Илья Сидоровду сүзүп кеткен «Audi C4» автоунаасынын айдоочусу сегиз жылга эркинен ажыратылды. Мындай чечимди 9-сентябрда Чүйдүн Сокулук районунун соту чыгарганын облустук соттун басма сөз катчысы Байыш Байгазинов билдирди. Анын сөзү боюнча, айыпталуучу күнөөсүн толук мойнуна алды жана судья аны каза болгон спортчулардын өкүлдөрүнө кенемте төлөп берүүгө милдеттендирди. «Соттолгон адамдан Евгений Требунскийдин өкүлдөрүнө материалдык зыян үчүн 286 миң сом, моралдык зыян үчүн 300 миң сом өндүрүлөт. Читать дальше...
Кыргызстандын Саламаттык сактоо министрлиги коомдук тамактануучу жайларына карата талаптарды жеңилдетүүнү сунуш кылды. Мекеме коомдук талкууга койгон өкмөт токтомуна ылайык, бир учурда 100 кишини тейлей алчу тамактануу жайларынын, соода борборлорунун ичинде жайгашкан фудкорттордун иштешине жана имарат сыртында спорттук иш-чараларды өткөрүүгө уруксат берүү каралууда. Коронавирус эпидемиясына байланыштуу быйыл жазында бардык коомдук тамактануу жайлары ишин убактылуу токтоткон. Кийин өкмөт бир... Читать дальше...
9-cентябрда Бакуда оппозициядагы «Мусават» партиясынын активисти Тофик Ягублунун бошотулушун талап кылган акция өттү. Ага ондогон адам катышып, 30дан ашуун кишини полиция кармап кетти. Алардын арасында белгилүү активисттер да бар. Ягублу жазында бейбаштык үчүн айыпталып, үч айга камалган. Оппозиционер машинесин сүзгөндөр менен чатакташа кеткен. Бирок кызы мунун баарын атайын уюштурулган чагым деп эсептейт. 3-сентябрда сот Ягублуну төрт жыл, үч айга кести. Соттун чечимине каршылык билдирген оппозиционер мөөнөтсүз ачкачылык жарыялады. Читать дальше...
АКШнын президенти Дональд Трамп пандемия башталганда жасаган билдирүүлөрүндө жаңы коронавирустун коркунучун атайылап азайтып сүйлөп жатты. Бул тууралуу америкалык ардагер журналист Боб Вудворд жаңы китебинде жазды. Ага ылайык, 19-марттагы интервьюсунда президент ызы-чуу жаратпаш үчүн ошенткенин моюнга алган. Автор Трамп дагы бир интервьюда «коронавирус силердин сасык тумооңордон да кооптуу, көп адамдын өмүрүн алат» деп айтканын мисал келтирген. 9-сентябрда «Washington Post» гезити китептен үзүндүлөрдү... Читать дальше...
